قاراعاندى وبلىسىندا ەڭبەك قاۋىپسىزدىگى تالاپتارىن ساقتاماعان جۇمىسشى مەرت بولدى

«قايعىلى وقيعا ەڭبەك قاۋىپسىزدىگى بويىنشا نۇسقاۋلىقتىڭ بۇزىلۋ سەبەبىنە بايلانىستى ورىن الدى. زارداپ شەگۋشى قوج تاسىمالداعىشتىڭ قوزعالماۋى ءۇشىن شارالاردى قابىلداماي جانە №3 كونۆەرتەردى باسقارۋ پۋلتىندەگى جۇمىسشى مەن بولات قورىتۋشىعا ەسكەرتپەي تاقتاتاستاردى قوجدان تازارتۋعا كىرىسكەن»، - دەپ حابارلادى «ارسەلورميتتال تەمىرتاۋ» كومپانياسىنىڭ باسپا ءسوز قىزمەتىنەن.

قوجدى سىرتقا شىعارۋ ءۇشىن بولات قورىتۋشى قوج تاسىمالداعىشتى قوزعالىسقا كەلتىرگەن، سالدارىنان زارداپ شەگۋشى ەڭكىش قالقاندار مەن قوج تاسىمالداعىشتىڭ تەتىگى اراسىندا قىسىلىپ قالعان.

ەسكە سالا كەتەيىك، قايعىلى وقيعا كەشە ورىن الدى. كوپتەگەن جاراقاتتار العان جانە كوپ قان جوعالتقان زارداپ شەگۋشى №3 قالالىق اۋرۋحاناعا جەتكىزىلدى. وعان قاراعاندىدان كەلگەن حيرۋرگ وتا جاسادى. الايدا ماشينيستى امان الىپ قالۋ مۇمكىن بولماعان، دەپ حابارلايدى nv.kz.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى