جاس قىزدىڭ تۇبىنە سەلفي جەتتى
23 جاستاعى بويجەتكەن پۋەنتە- دە- يسابەل II كوپىرىنىڭ شەتىندە تۇرىپ، سەلفي جاساماق بولادى. ول ءوزىن جوعارىدان سەلفيلەتۋگە تالپىنعاندا تەپە-تەڭدىكتى ساقتاي الماي، 4,5 مەتر بيىكتىكتەن تومەن قۇلديلايدى. وقيعا ورنىنا جەدەل جەتكەن مەديتسينا قىزمەتكەرلەرى بەتونعا سوعىلىپ، مەرتىككەن قىزدى دەرەۋ اۋرۋحاناعا جەتكىزەدى. الايدا، دارىگەرلەر اۋىر جارالانعان قىزدى امان الىپ قالا المايدى.
سيەۆيليا اكىمدىگىنىڭ وكىلدەرى بولعان جايدى جازاتايىم وقيعاعا بالاپ، تاياۋ كۇندەرى كوپىرگە قوسىمشا قورشاۋ ورناتۋعا ۋادە بەردى. پولشالىق اقپارات قۇرالدارىنىڭ حابارلاۋىنشا، سيلۆيا رايحەل مەديتسينا ماماندىعىندا وقىعان جانە وقۋىن اياقتاعان سوڭ ءبىرجولاتا يسپانياعا قونىس اۋدارۋدى جوسپارلاپ جۇرگەن كورىنەدى.
سونىمەن، يسپانيانى جانىنداي سۇيەتىن بويجەتكەن ءوز اجالىن ارمانىنا اينالعان قالادان تاۋىپ وتىر. XIX عاسىردىڭ ورتا شەنىندە سوعىلعان پۋەنتە- دە- يسابەل II كوپىرى سۇلۋلىعىمەن بارشا الەم جۇرتىنىڭ سۇيىكتى ورنىنا اينالعان. قازىر ول سيەۆيلياداعى تۋريستەر ەڭ كوپ جينالاتىن ورىنداردىڭ ءبىرى.
