قازاقستاندىق عالىمدار الەمدىك داعدارىسقا قارسى جوسپاردىڭ تۇجىرىمداماسىن ۇسىندى

قۇجات 13 بولىمنەن تۇرادى. ونى تولىقتاي پىسىقتاعان اۆتورلار بۇل جۇمىسقا 2 جىل جۇمساعان. تۇجىرىمدامادا استانادا وتكەن دۇنيەجۇزىلىك داعدارىسقا قارسى كونفەرەنسيادا حالىقارالىق ساراپشىلاردىڭ بەكىتكەن ۇسىنىمدارى ەسكەرىلگەن.

ەستەرىڭىزگە سالا كەتەيىك، اتالعان شارالار ەلباسى نۇرسۇلتان نازاربايەۆتىڭ باستاماسىمەن دۇنيەجۇزىلىك داعدارىسقا قارسى جوسپار قۇرۋ نەگىزىندە جۇزەگە اسىرىلعان بولاتىن. قۇجات عالامتور كەڭىستىگىندە دە كەڭىنەن تالقىلانعان. ناتيجەسىندە G- Global اقپاراتى اياسىندا 15 مىڭنان اسا عىلىمي-زەرتتەۋ جۇمىستارى، 50 مىڭ ساراپشىلار شولۋى مەن 400 دەن استام بەينە-كونفەرەنسيالار وتكىزىلگەن.

دۇنيەجۇزىلىك داعدارىس جوسپارى توڭىرەگىندە ب ۇ ۇ-نا مۇشە 170 مەملەكەتتەن ميلليوننان اسا مامان وزدەرىن قىزىقتىرعان ساۋالدار توڭىرەگىندە ەمەن-جارقىن پىكىر الماسقان.

مارتين سايديك، ب ۇ ۇ ە ج ءا ك ءتوراعاسى:

- قازاقستاننىڭ بۇل باستاماسى ءبىز ءۇشىن وتە ماڭىزدى. وسى ارقىلى كوتەرىلگەن ماسەلە تەك دامىعان ەلدەرگە عانا ەمەس، دامۋشى ەلدەر تاراپىنان دا قىزىعۋشىلىق تۋدىرىپ وتىرعانىن كورۋگە بولادى.

مۇرات كارىمساقوۆ، «ەۋرازيالىق عالىمدار كلۋبى» قاۋىمداستىعىنىڭ پرەزيدەنتى:

- كوپتەگەن الەمدىك ساراپشىلاردىڭ پىكىرىنشە، بۇل قۇجاتتا وتە ماڭىزدى ماسەلەر كوتەرىلگەن. سونىمەن قاتار تۇيىتكىلدى ماسەلەلەردىڭ ءتۇيىنىن تارقاتۋ ءۇشىن ناقتى كەڭەستەر مەن ۇسىنىستار جاسالعان.

24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى