مەملەكەتتىك باسقارۋ جۇيەسىن جەتىلدىرۋگە باعىتتالعان زاڭ قابىلداندى - پارلامەنت
ەندى پارلامەنت قابىلداعان قۇجات مەملەكەت باسشىسىنىڭ قول قويۋىنا جولدانادى.
ەسكە سالا كەتەيىك، بۇعان دەيىن سەناتورلار ءماجىلىس ماقۇلداعان زاڭ جوباسىنا تۇزەتۋلەر ەنگىزگەن بولاتىن. الايدا، ءماجىلىس تاراپى كەيبىر تۇزەتۋمەن كەلىسپەيتىندىكتەرىن ءبىلدىرىپ، كەلىسىم كوميسسياسىن قۇرۋ تۋرالى شەشىم قابىلدادى. وسىلايشا، قوس پالاتا اراسىنداعى كەلىسپەۋشىلىكتى ەڭسەرۋ جونىندەگى كەلىسىم كوميسسياسى وزدەرىنىڭ ۇسىنىسىن پالاتا قاراۋىنا شىعارىپ وتىر.
ايتا كەتەيىك، اتالمىش زاڭ جوباسى مەملەكەت باسشىسىنىڭ 2014 - جىلدىڭ 6 -تامىزىنداعى «قازاقستان رەسپۋبليكاسىنىڭ مەملەكەتتىك باسقارۋ جۇيەسىن ءارى قاراي جەتىلدىرۋ شارالارى تۋرالى» جارلىعىن ىسكە اسىرۋ اياسىندا ازىرلەنگەن. جارلىققا سايكەس، مەملەكەتتىك قىزمەت ىستەرى جونىندەگى جانە ەكونوميكالىق جانە سىبايلاس جەمقورلىققا قارسى كۇرەس اگەنتتىگى تاراتىلىپ، مەملەكەتتىك قىزمەت جانە جەمقورلىققا قارسى تۇرۋ ءىسى جونىندەگى اگەنتتىك قۇرىلعان ەدى. وسىعان بايلانىستى، زاڭ جوباسىندا تاراتىلعان اگەنتتىكتىڭ جەمقورلىق قىلمىستىڭ جانە زاڭ بۇزۋشىلىقتىڭ الدىن الۋ، انىقتاۋ، جولىن كەسۋ، اشۋ، تەكسەرۋ جونىندەگى فۋنكتسيالارى مەن وكىلەتتىكتەرىن جاڭا قۇرىلعان اگەنتتىككە، ال ەكونوميكالىق جانە قارجى قىلمىسى مەن زاڭ بۇزۋشىلىقتى قارجى مينيسترلىگىنە وتكىزىپ بەرۋ قارالعان. اگەنتتىك پەن قارجى مينيسترلىگىنىڭ ءتيىستى بولىمشەلەرىنە قۇقىق قورعاۋ ورگانى مارتەبەسى بەرىلەدى.
