قورعاس وزەنىنەن قازاقستان مەن قىتايدىڭ ورتاق مەنشىگى بولىپ تابىلاتىن «دوستىق» سۋ تورابى سالىنادى - پارلامەنت
پارلامەنت قابىلداعان قۇجات مەملەكەت باسشىسىنىڭ قول قويۋىنا جولدانادى.
«كەلىسىمنىڭ نەگىزگى ماقساتى «دوستىق» بىرلەسكەن ورتاق سۋ تورابىن بىرلەسىپ باسقارۋ جانە پايدالانۋ بولىپ تابىلادى جانە قورعاس وزەنىنىڭ سۋ رەسۋرستارىن تەڭدەي ءبولۋدى رەتتەيدى. بۇل رەتتە سۋ تورابى ەكى مەملەكەتتىڭ تەڭ ۇلەسكە يە ورتاق مەنشىگى بولىپ تابىلادى. ال ونى ءبولۋ شەكاراسى قۇرىلىستىڭ ورتاسى بويىنشا وتەدى»، - دەدى اۋىل شارۋاشىلىعى ءمينيسترى اسىلجان مامىتبەكوۆ.
ءمينيستردىڭ سوزىنە قاراعاندا، قازاقستان مەن قىتاي تاراپتارىنىڭ ءارقايسىسىنىڭ اۋماعىندا بىرلەسكەن سۋ تورابىنا ۇزىندىعى ەكى ءجۇز مەتردى قۇرايتىن كىرمە جولدار دا كوزدەلەدى. ال سۋ تورابىن باسقارۋ مەن پايدالانۋ بارىسىندا ونىڭ سەنىمدىلىگى مەن قاۋىپسىزدىلىگى قامتاماسىز ەتىلەدى. سۋ كولەمىن جانە ەكولوگيالىق سۋ جىبەرۋدى رەتتەۋدىڭ بەلگىلەنگەن قاعيداتتارىن ساقتاۋ، تاسقىن سۋدىڭ ءوتۋىن قامتاماسىز ەتۋ شارالارى قاراستىرىلادى.
بۇدان بولەك، بىرلەسكەن سۋ تورابىن قاۋىپسىز پايدالانۋ ماقساتىندا تۇراقتى نەگىزدە جۇمىس ىستەيتىن جانە تەپە-تەڭدىك قاعيداتىن ساقتايتىن قازاقستان- قىتاي بىرلەسكەن قىزمەتى قۇرىلادى.
