قىتايدا تۇتقىندالعان قازاق قىزىنىڭ تەرگەۋ ءىسى تاعى ەكى ايعا سوزىلادى
ونىڭ ايتۋىنشا، اقجارقىن قازىر ءوزىن جاقسى سەزىنىپ وتىر. «ونىڭ جاعدايى قاناعاتتانارلىق، قىتايلىق ارىپتەستەردىڭ سوزىنە قاراعاندا، ول ەشقانداي شاعىم ايتپادى. ءبىراق ازىرشە تۋىستارى ونىمەن كەزدەسە الماي وتىر، تەك قانا قازاقستاننىڭ قىتايداعى وكىلىنە، ياعني سىرتقى ىستەر مينيسترلىگى وكىلىنە عانا رۇقسات ەتىلدى»، - دەدى زاڭگەر.
تەلەارنانىڭ حابارلاۋىنشا، وسىلايشا قازاقستاندىق بويجەتكەننىڭ ءىسىن تەرگەۋ تاعى ەكى ايعا جۋىق ۋاقىتقا سوزىلادى.
اقجارقىن تۇرلىباي ناۋرىز ايىندا گۋاڭجۋ اۋەجايىندا قاماۋعا الىنعان ەدى. وعان ەسىرتكى كونترابانداسىمەن اينالىستى دەگەن ايىپ تاعىلىپ، ۇستىنەن قىلمىستىق ءىس قوزعالدى. تۇرلىبايعا ۇلكەن مەرزىم، ءتىپتى، ءومىر بويعى جازا دا بەرىلۋى مۇمكىن. ستۋدەنت قىزدىڭ اناسى اقجارقىندى الدەكىمدەر الدادى دەپ وتىر. سەبەبى قىزدى قىتايعا ونىڭ الەنا جانە دجونني ەسىمدى تانىستارى جىبەرگەن. ولار قىزعا برەند كيىمدەردى جەتكىزىپ، اقشا تابۋدى ۇسىنعان.
