بالقاشتىڭ ۇستىنەن وتەتىن كوپىر سالىناما؟

ۆەدومستۆو تاراتقان مالىمەتكە قاراعاندا، باستاپقىدا ول كوپىر كولدىڭ ەڭ قىسقا بولىگىنەن جانە سارى ەسىك جارتىلاي ارالى ارقىلى سالىنادى دەپ جوسپارلانعان. «كۇرەجولدىڭ ەستاكادالىق بولىگىنىڭ ۇزىندىعى 30 شاقىرىم، ال كوپىردىڭ ۇزىندىعى 6 شاقىرىم بولۋى كەرەك بولعان. كوپىر وتكەلىنىڭ جوبالىق قۇنى شامامەن 382 ميلليارد تەڭگەگە باعالانعان. اتاپ ايتقاندا: كوپىر - 212 ميلليارد تەڭگە، ەستاكادالىق كوپىر مەن ونى ورناتۋ - 170 ميلليارد تەڭگە دەپ كورسەتىلگەن»، - دەلىنگەن  ي د م مالىمەتىندە.

ەسكە سالامىز، قازاقستان بالقاش كولى ۇستىنەن كوپىر سالۋ جوسپارلانعانى تۋرالى اقپارات 2013-جىلى قاڭتاردا تاراعان بولاتىن. ماقسات - الماتى مەن استانا ارالىعىندا تەمىرجولدى قىسقارتۋ ەدى. ال ارادا جارتى جىل وتكەندە «قازاقستان تەمىر جولى» ۇ ك» ا ق باسشىسى اسقار مامين مىرزا ول جوبانىڭ كەيىنگە قالدىرىلعانىن مالىمدەگەن بولاتىن.

سول ۋاقىتتتا مەملەكەت باسشىسى بۇل ماسەلە بويىنشا ناقتى جۇمىس ىستەۋدى تاپسىرعان. «ارينە مۇنداي جولدىڭ بولعانى جاقسى، ال ءبىراق تا قىتاي ەلىندە جۇرگىزىلگەن زەرتتەۋ جۇمىستارى كورسەتكەنىندەي بۇل جوبانىڭ اسا قىمباتقا تۇسەتىنى، وعان كۇندەلىكتى كۇتىم مەن جۇيەلى تۇردە جوندەۋ جۇمىستارى قاجەت ەكەن. ونىڭ ۇستىنە استانا مەن الماتى اراسىندا قاتىنايتىن جولاۋشىلار تاسىمالدايتىن پوەزداردان كوپىردى ۇستاپ تۇرۋعا قاجەتتى قاراجاتتى جيناپ الۋ مۇمكىن ەمەس. بۇل يدەيانى قارجىلاندىرماس بۇرىن تۇبەگەيلى ەسەپتەپ شىعۋ قاجەت»، - دەپ اقوردا سايتىندا حابارلانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى