بەكبولات تىلەۋحانوۆ و ق و جاستارىن حالىقتىڭ باستى قۇندىلىقتارىن قورعاۋعا شاقىردى - فوتو
بەلگىلى قوعام قايراتكەرى بەكبولات تىلەۋحانوۆ وڭتۇستىك قازاقستان جاستارىمەن كەزدەستى. «مەن سىزدەردى ءبىزدىڭ قوعامىمىزدىڭ «تاۋەلسىزدىك» ، «وتان» ، «وتباسى» ، «سالت- داستۇرلەر» سياقتى ەڭ ماڭىزدى قۇندىلىقتارىن قورعاۋعا شاقىرامىن. بۇلار ارقىلى ءبىز ادامدار اراسىنداعى قارىم- قاتىناس جاساپ، ولاردى عاسىرلار بويى ساقتاپ، ۇرپاقتارىمىزعا قالدىرۋعا ءتيىسپىز»، - دەدى كەزدەسۋ بارىسىندا بەكبولات تىلەۋحانوۆ.
كەزدەسۋ «جاستار وتانعا!» پارتيالىق جوبا اياسىندا ءوتتى. بەكبولات تىلەۋحانوۆ - قازاقستاننىڭ ۇلتتىق سپورت تۇرلەرى قاۋىمداستىعىنىڭ ءتوراعاسى. ونىڭ تاجىريبەسى مەن ەڭبەك جولى جاستار ءۇشىن ۇلگى بولارلىقتاي، دەگەن سەنىمدە ۇيىمداستىرۋشىلار. قۇرمەتتى قوناق جينالعاندارعا ءوز جولىن قالاي باستاعانىن، الدىنا قويعان ماقساتتارىنا قالاي قول جەتكىزگەنىن ايتىپ بەردى. بۇل كەزدەسۋدىڭ پايداسى زور دەپ ەسەپتەيدى جاس بەلسەندىلەر. سەبەبى بەلگىلى تۇلعانىڭ مىسالدارىنان جاستار ءوز كۇشتەرىمەن بارىنە قالاي قول جەتكىزۋگە بولاتىنىن تۇسىنەدى.
مۇنداي كەزدەسۋلەر الداعى ۋاقىتتا دا وتكىزىلەدى. تانىمال تۇلعالارمەن كەزدەسۋ - بەلگىلى ءبىر ادامداردى تاربيەلەۋدىڭ تاعى ءبىر ءادىسى.
