اۆستريالىقتار استانالىق كاسىپكەرلەرمەن ىنتىماقتاستىق ورناتۋعا دايىن
شەتەلدىك قوناقتار ەلوردالىق كاسىپكەرلەرمەن كەزدەسۋلەر وتكىزەدى. استانا قالاسىنىڭ 60 تان استام كومپانياسى اۆستريامەن ارىپتەستىك قارىم-قاتىناس ورناتۋعا مۇددەلىلىك تانىتتى.
«شارانىڭ نەگىزگى ماقساتى - كاسىپكەرلەرگە اۆستريالىق بيزنەسمەندەرمەن بىرلەسكەن كەزدەسۋلەر وتكىزۋگە مۇمكىندىك بەرۋ. بۇگىنگى تاڭدا اۆستريا - شاعىن جانە ورتا بيزنەستى ءتيىمدى دامىتىپ وتىرعان مەملەكەتتەردىڭ ءبىرى. كاسىپكەرلەر ولاردان كوپ نارسە ۇيرەنەدى. ءبىز «جاسىرىن چەمپيون» سياقتى جوبالاردىڭ بار ەكەنىن بىلەمىز، قازىرگى كەزدە اۆستريادا بارشا الەمدە ءوز ءىسىن جاھاندىق دامىتىپ جاتقان ۇزدىك 250 شوب بار. بۇگىنگى ەكى جاقتى كەزدەسۋلەر ءبىزدىڭ كاسىپكەرلەر ءۇشىن جاقسى، ءتيىمدى بولاتىنىنا ۇمىتتەنەمىن»، - دەدى استانا قالاسى كاسىپكەرلەر پالاتاسىنىڭ ديرەكتورى مەيىربەك ءماجيتوۆ.
ونىڭ ايتۋىنشا، اۆستريالىق تاراپ قازاقستاندىق كاسىپكەرلەرمەن ىنتىماقتاستىق ورناتۋعا دايىن جانە بۇگىن جاڭا بىرلەسكەن جوبالار قۇرىلىپ، قازاقستاندىق بيزنەس ءۇشىن اسا پايدالى بولاتىن تەحنولوگيالار، تاجىريبە مەن ءبىلىم بەرۋ بويىنشا ۋاعدالاستىققا قول جەتكىزىلۋى مۇمكىن.
