دوللار تاعى قىمباتتاي ما؟
ماسكەۋ قور بيرجاسىندا رەسەي ۆاليۋتاسىنىڭ دوللارعا قاتىستى كورسەتكىشى بۇگىن 44 رۋبلدەن اسىپ جىعىلدى. ال، ۇلتتىق بانك ءتوراعاسى قايرات كەلىمبەتوۆ ايىرباس باعامى 42 رۋبلدەن اسقاندا، قازاقستانعا ءقاۋىپ تونەتىنىن ايتقان ەدى.
سوڭعى ەكى-ءۇش كۇننىڭ ىشىندە رەسەي ءرۋبلىنىڭ قۇنى ساعاتتاپ ءتۇسىپ جاتىر، دوللار كەرىسىنشە ءوسىپ جاتىر. رەكوردتىق دەڭگەيدەگى قۇلدىراۋعا يە بولا الماعان رەسەيدىڭ ورتالىق بانكىنىڭ ءوزى بۇل پروتسەسكە ارالاسۋدان باس تارتىپ، رۋبلدى ەركىن اينالىمعا جىبەرە سالدى. ال ونىڭ اسەرى بىزگە قالاي بولادى؟ وتاندىق ەكونوميستەرىمىزدىڭ پىكىرى بۇل رەتتە ءارتۇرلى.
ورتالىق بانك رۋبلدىڭ «ەركىن اينالىمعا ءتۇسۋىن» وتپەلى كەزەڭ دەپ ءتۇسىندىردى. بۇل قاراپايىم ادامدار ءۇشىن كۇردەلى تەرمين بولعانىمەن، بۇدان شىعاتىن قورىتىندى بىرەۋ عانا. رۋبل بۇدان كەيىن دە قۇلدىراي بەرەدى.
مامانداردىڭ ايتۋىنشا، بۇدان ءبىز دە قاۋىپتەنۋىمىز كەرەك. ويتكەنى، ەكونوميكاسى رەسەيمەن بايلانعان مەملەكەت رەتىندە، رۋبلمەن قول ۇستاسقان قازاق تەڭگەسىنەن دە كۇش كەتۋى ابدەن مۇمكىن. جانە بۇل قۇبىلىس الداعى جىلدىڭ قاڭتارىندا بولادى.
مەرۋەرت ماحمۇتوۆا، ەكونوميست:
قاڭتار ايىنان باستاپ ۇكىمەت ەۋرازيالىق ەكونوميكالىق وداق قۇرۋعا قول قويىلىپ وتىر. سوندىقتان ارينە رەسەي ەكونوميكاسىنىڭ ناشارلاۋى بىزگە ءوز اۋىرتپالىعىن تيدىرەدى.
تەڭگەنىڭ جاعدايى راسىمەن ءقاۋىپتى. سەبەبى، باسقا ەمەس، قايرات كەلىمبەتوۆتىڭ ءوزى ايىرباس باعامى 42 رۋبلدەن اسقاندا، قازاقستانعا قاۋىپ تونەتىنىن ايتقان.
ەگەر رەسەيلىك رۋبل دوللارىنا 42 رۋبلگە جەتسە، سوندا بىزگە اسەرى بولادى. ءبىراق وسى جىلدا 38 رۋبلدەن اسپايدى، مەنىڭ ويىمشا.
تەڭگەنىڭ قۇنى «تۇسپەيدى» دەپ ءجۇرىپ، ءبىر-اق كۇندە دوللاردى اسپانداتقان ۇلتتىق بانك ءتوراعاسىنىڭ بۇل ايتقان ساۋەگەيلىگى دە ءدال كەلگەن جوق. 42 ەمەس، ءتىپتى 45 كە جەتتى عوي. كەلىمبەتوۆ مىرزا بۇعان نە ايتادى؟
قايرات كەلىمبەتوۆ، ق ر ۇلتتىق بانكى ءتوراعاسى:
ءبىز بۇدان قاۋىپتەنىپ وتىرعان جوقپىز. ۇلتتىق ۆاليۋتالىق دالىزدە قانداي دا ءبىر كۇرت وزگەرىس بولادى دەپ ويلامايمىن. ءبىزدىڭ ەسەبىمىزشە، 1 دوللاردىڭ باعاسى 188 تەڭگەدەن اسپاۋى ءتيىس.
ءبىراق كەلىمبەتوۆتىڭ سوزىنە سەنىمنەن گورى، كۇدىك باسىم ەكونوميستەردە. ايتۋلارىنشا، ۇلتتىق بانك ءتوراعاسى وزگەرىس بولمايدى دەپ، تاعى دا ديەۆالۆاتسيا تۋرالى ءوزىم كەشە تۇندە عانا ەستىدىم دەپ قاراپ وتىرسا تاڭقالۋعا بولمايدى.
مەرۋەرت ماحمۇتوۆا، ەكونوميست:
بىزگە ەشكىم حابارلاي قويمايدى. ءبىز ەرتەڭگى كۇنى ديەۆالۆاتسيانى قولدانامىز دەگەندەي. سوندىقتان ءار ازامات شەشىمدى ءوزى قابىلدايدى قانداي ۆاليۋتادا اقشانى ساقتاۋ كەرەك.
سوندىقتان اقشاڭىزعا ساقتىقپەن قاراعان ابزال.
31-ارنا
