پاتەر شاراسىنىڭ اياسىندا ءىرى پاتەر ۇرلىقتارى اشىلدى

اتالعان ۇرلىق قىلمىسى بويىنشا جەدەل انىقتاۋ شارالارى جۇرگىزىلىپ، تەرگەۋ بارىسىندا كۇدىكتى رەتىندە جاڭاقورعان اۋدانىنىڭ 1993 - جىلى جانە 1995 - جىلى تۋىلعان 2 ازاماتى ۇستالدى. ولاردىڭ قىلمىستاردى الدىن الا جوسپارلاپ، جاڭاقورعان كەنتىندە ورنالاسقان تۇرعىن ۇيگە تەرەزە ارقىلى جاسىرىن كىرگەنى بەلگىلى بولدى.

شاعىمدانۋشىنىڭ ارىزى بويىنشا جالپى سوماسى 575000 تەڭگە جانە قۇنى 655000 تەڭگەنى قۇرايتىن زەرگەرلىك بۇيىمدار قولدى بولىپ، ناتيجەسىندە وعان 1 ميلليون 225 مىڭ تەڭگە كولەمىندەگى شىعىن كەلتىرىلگەن. بۇل تۋرالى وبلىستىق ءى ءى د باسپا ءسوز قىزمەتى حابارلادى.

سونداي-اق جەدەل-ىزدەستىرۋ جۇمىستارى بارىسىندا وسى ەكى ازاماتتان قۇرالعان توپتىڭ قاتىسۋىمەن 2012 - جىلى تاعى ءبىر ۇرلىقتىڭ ورىن العاندىعى انىقتالدى. اتالعان ازاماتتار جاڭاقورعان كەنتىندە ورنالاسقان دۇكەنگە تەرەزەنى سىندىرۋ ارقىلى زاڭسىز كىرىپ، تارتپادا تۇرعان 1 ميلليون تەڭگە كولەمىندەگى اقشانى ۇرلاپ، وقيعا ورنىنان بوي تاسالاعان.

وسى دەرەكتەر بويىنشا قازاقستان رەسپۋبليكاسى قىلمىستىق كودەكسىنىڭ 175-بابى 3-بولىگىنىڭ «ب» تارماعىمەن قىلمىستىق ءىس قوزعالدى. قازىرگى تاڭدا جاڭاقورعان اۋداندىق ءى ءى ب-ىمەن تەرگەۋ امالدارى جۇرگىزىلۋدە.

 اۆتور: ەلۋباي اۋەزوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى