ورىستار كەتىپ جاتىر

رەسەي فەدەرالدىق كوشى-قون قىزمەتىنىڭ سايتىندا جاريالانعان ەسەپكە نازار اۋدارساق، اعىمداعى جىلى ەلگە مەملەكەتتىك باعدارلاما نەگىزىندە 17,7 مىڭ قاتىسۋشى كەلگەن (وتباسى مۇشەلەرىن قوسقاندا 36,9 مىڭ ادام)، ءۇشىنشى توقساندا -  9,9 مىڭ ادام، (وتباسى مۇشەلەرىمەن بىرگە -  21,2 مىڭ ادام)، بۇل وتكەن جىلعى وسى مەرزىممەن سالىستىرعاندا 3,7 ەسە كوپ.

دەرەككە جۇگىنەر بولساق، ەكىنشى توقساندا كوشىپ بارعانداردىڭ كوپشىلىگى قازاقستاننان بولعان - % 30,5، وزبەكستان -  % 21,2، ۋكراينا - % 13، مولداۆيا -  % 10,9، ارمەنيا - % 8,9، تاجىكستان - % 6,5، قىرعىزستان - % 4,4، ءازىربايجان - % 1,7 جانە باسقا دا ەلدەردەن - % 2,5 بولىپ وتىر.

2014 - جىلدىڭ ءبىرىنشى توقسانىندا مەمباعدارلامامەن رەسەيگە 15,7 مىڭ ادام (قازاقستان تۋمالارىنىڭ ۇلەس سالماعى % 31,3- دى قۇرايدى) ، ال  Ⅱ توقساندا 21,2 مىڭ ادام (%30,5) كوشىپ كەلگەنىن ەسكەرسەك، وندا قاڭتار -  ماۋسىمدا رەسەيگە قازاقستاننان 11,4 مىڭ ادام كوشىپ بارعان. سونىمەن قاتار بارلىق كوشىپ بارۋشىلاردىڭ % 64,2 ى ورتالىق جانە ءسىبىر فەدەرالدى وكرۋگتەرىنە قونىستانعان كورىنەدى.

وتانداستاردى كوشىرۋ جونىندەگى مەملەكەتتىك باعدارلاما جۇزەگە اسىرا باستاعالى بەرى 2014 -جىلدىڭ 1 - شىلدەسىنە دەيىن رەسەيگە بارلىعى مەمباعدارلامانىڭ 97 مىڭ قاتىسۋشىسى كەلگەن كورىنەدى. ال مەمباعدارلاما باستالعالى بەرى 186,6 مىڭ وتانداس (وتباسى مۇشەلەرىمەن بىرگە - 416,2 مىڭ قادام) انكەتا تاپسىرعان، ونىڭ ىشىندە بيىل 65,9 مىڭ ادامعا 28,1 مىڭ ارىز قابىلدانعان.

«ايقىن»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى