قازاقستانعا ەۋروپادان قۇلاندار اكەلىنبەك

بۇل تۋرالى قازاقستاننىڭ بيوالۋاندىلىقتى ساقتاۋ قاۋىمداستىعىنىڭ 10 جىلدىعىنا ارنالعان باسپا ءسوز ءماسليحاتىندا ۇيىمنىڭ اتقارۋشى ديرەكتورى گۇلميرا ىزىمبەرگەنوۆا ءمالىم ەتتى.

"قازاقستاننىڭ تۇمسا تابيعاتىنا پرجيەۆالسي جىلقىلارىن قايتارۋ بويىنشا باعدارلامانى باستاعانىمىزدى حابارلاعىم كەلەدى.  

150 جىل بۇرىن ولار قازاق دالاسىنان ىزىم-عايىم جوعالىپ كەتكەن بولاتىن. فرانكفۋرتتىڭ زوولوگيالىق قوعامداستىعى مەن قۇستاردى قورعاۋدىڭ كورولدىك قوعامىنىڭ كومەگىمەن بىز اتالعان جىلقىلاردى نيۋرنبەرگ زووباعىنان الماقپىز. قازاقستاندا ولارعا لايىقتالعان ورىندار دا سالىندى"، - دەدى ول.

ونىڭ سوزىنە قاراعاندا، جوبانى قولداۋ ءۇشىن جانە مەتسەناتتاردى وسى ىسكە تارتۋ ماقساتىندا قاراشا ايىندا تابيعات اياسىندا قايىرىمدىلىق بالى وتەدى.

تىلشىلەردىڭ ساۋالىنا جاۋاپ قايىرۋ بارىسىندا قازاقستاننىڭ بيوالۋاندىلىقتى ساقتاۋ قاۋىمداستىعىنىڭ وكىلى سەرگەي سكلەرەنكونىڭ ايتۋىنشا، قۇلاندار 2016 - جىلعا دەيىن قوستاناي وبلىسىنىڭ تورعاي جەرىنە اكەلىنەدى. كەيىن بۇل جوبا بارلىق قازاقستاندا ىسكە اسىرىلماق.

"جوبانىڭ باستاپقى كەزەڭدەردەگى قۇنى 100 مىڭداعان ا ق ش دوللارىن قۇرايدى، جالپى ۇلتتىق دەڭگەيدە وعان ميلليونداعان دوللار قارجى جۇمسالماق"، - دەپ اتاپ ءوتتى ول.

ايتا كەتۋ كەرەك، قازاقستاننىڭ بيوالۋاندىلىقتى ساقتاۋ قاۋىمداستىعى 2004 - جىلدان بەرى 100 دەن استام تابيعي ارتۇرلىلىلكتى قورعاۋعا قاتىستى جوبالاردى قولعا الدى. قازىرگى ۋاقىتتا شامامەن 20 عا جۋىق جوبا ىسكە اسىرىلۋدا.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى