قازاق ونەرىنىڭ ساڭلاقتارى: ءباتيما زاۋىربەكوۆا
الماتى كوركەم سۋرەت ۋچيليشەسىن (1969)، الماتى مەملەكەتتىك ۋنيۆەرسيتەتىن (2001) بىتىرگەن. العاش «ءجىپ ءيىرۋشى» (1972)، «قودىق» (1972)، «كەرۋەن» (1973)، «كوكتەم» (1974)، «سازدى اۋەن» (1975) گوبەلەندەرى ارقىلى تانىمال بولدى. «بايتاق دالا» (1976)، «دالا ارۋى» (1979)، «ماڭگىلىك ونەر» (1982) تۋىندىلارى استارلى فيلوسوفيا مازمۇنىمەن ەرەكشەلەنەدى. «كۇي» (1978)، «جاستىق» (1979)، «توقىماشى»، «كەشكى ساز» (1982) شىعارمالارى ۇلتتىق گوبەلەن ونەرىندەگى جاڭا پرينتسيپتەردى قولدانۋدىڭ وزىق ۇلگىسى بولىپ تاريحتا قالدى. سىزبا، كەسكىندەمە ونەرى تاسىلدەرىن بىرىكتىرۋ جانە ءتۇرلى تۇستەردىڭ ءوزارا ۇيلەسىمىن تابۋ شەبەرلىگى سۋرەتشىنىڭ «قىس»، «كوكتەم»، «جاز» جانە «كۇز» گوبەلەندەرىنەن (1984-1986) انىق بايقالادى. زاۋىربەكوۆا باسقا شەبەرلەرمەن بىرلەسىپ، «قازاقستان» قوناق ۇيىنە قويىلعان «قازاقستان شۇعىلاسى» اتتى مونۋمەنتتىك گوبەلەندى (1977 - 78؛ قازاقستاننىڭ مەملەكەتتىك سىيلىعى، 1980) جاساۋعا قاتىستى.
جارىق پەن ساۋلەنى شارپىستىرۋ ءادىسى ارقىلى بەينەنى كولەمدى تۇردە كورسەتۋ ماقساتى «جەر-انا» مونۋمەنتتى پاننوسىندا ۇتىمدى ورىندالعان. زاۋىربەكوۆا ەڭبەكتەرىنىڭ جەكە كورمەسى فرانسيادا، شۆەتسيادا، تۇركيا، ت. ب. ەلدەردە ءوتتى. سۋرەتشى تۋىندىلارىنىڭ ءتۇپ نۇسقاسى قازاقستاننىڭ ورتالىق ونەر مۇراجايىنا جانە استانا مۇراجايىندا قويىلعان.
ءباتيما ەسمۇرات قىزى قازاقستان رەسپۋبليكاسى سۋرەتشىلەر وداعىنىڭ مۇشەسى. «استىق جيناۋ»، «مەلوديا» سياقتى العاشقى تۋىندىلارى وتكەن عاسىردىڭ 70-جىلدارى ماسكەۋدەگى كورمەدە كورسەتىلىپ، جوعارى باعاعا يە بولدى. بۇل تۋىندىلارىنان تىرشىلىك تىنىسى ايشىق بوياۋلار ارقىلى كورسەتىلىپ، كۇندەلىكتى تۇرمىس، دۇنيەنىڭ جاراسىمدىلىعى جان-جاقتى كورىنىس تاپتى. گوبەلەن - كىلەمدەردىڭ بوياۋلارىنىڭ قانىقتىعى مەن تازالىعى اۆتوردىڭ جان دۇنيەسىنىڭ نازىكتىگىن، ومىرگە دەگەن شىنشىل كوزقاراسى مەن ماحابباتىن ءبىلدىرىپ تۇرادى. سان ءتۇرلى قۇبىلىستاردى اسەرلەۋگە قۇرىلعان گوبەلەندەردى توقۋمەن قاتار سۋرەت ونەرىن جەتە مەڭگەرگەن زاۋىربەكوۆا «ايگەرىم» اتتى ەڭبەگىندە ءتۇر-تۇستەردى مەيلىنشە قۇبىلتىپ كورسەتسە، «قۇنارلىلىق» دەپ اتالاتىن سۋرەتىندە ءومىردىڭ ءسانىن كەلتىرەتىن ايەل-انانى اسا جوعارى دارىپتەيدى. شىعارماشىلىق وي-قيالىن شارىقتاۋ شەگىنە جەتكىزە وتىرىپ دۇنيەگە كەلتىرگەن «دالا مادونناسى» اتتى ەڭبەگىندە كوركەمدىك كورىنىستەردى جيناقتاپ كورسەتۋدىڭ ەڭ جوعارى ۇلگىسىن بايقاتادى. ونىڭ سۋرەتكەرلىك ونەرى، تاماشا تۋىندىلارى جايلى شىعارىلعان البوم-كىتاپتا (اۆت. ش. توقتابايەۆا) ، تۇركيادا شىعارىلعان كاتالوگتا (1999)، «مەلوديا» اتتى دەرەكتى فيلمدە كەڭىنەن ءسوز بولعان.
زاۋىربەكوۆا قازاق حالقىنىڭ تۇرمىس-تىرشىلىگىن ءوزى تاڭداعان سارا ونەر گوبەلەن ارقىلى كەڭىنەن تانىتىپ كەلە جاتقان جاڭاشىل سۋرەتكەر، شەبەرلىك پەن شىنايى تالانت يەسى. ونىڭ جۇمىستارى ا ق ش- تا، كانادادا، رەسەيدە، تۇركيادا، فرانسيادا، شۆەيتساريادا، قازاقستاندا جانە باسقا ەلدەردە مۇراجايلار مەن جەكە كوللەكتسيالاردا ساقتاۋلى. كوپتەگەن ەلدەردە جەكە كورمەلەرى تابىستى ءوتتى. ش. ءۋاليحانوۆ اتىنداعى قازاق ك س ر مەملەكەتتىك سىيلىقتىڭ لاۋرەاتى، قازاقستاننىڭ ەڭبەك سىڭىرگەن قايراتكەرى.
