اسكەري جانە ارنايى كيىمدەردى ەركىن ساۋدالاۋعا شەكتەۋلەر قويىلادى - ە. دوسايەۆ
قۇجاتتىڭ ماقساتى ساۋدا قىزمەتىن مەملەكەتتىك رەتتەۋدىڭ ادىستەرى مەن نىساندارىن جۇيەلەندىرۋ، ەلەكتروندىق ساۋدا سالاسىنداعى كاسىپكەرلىك سۋبەكتىلەرىنىڭ قىزمەتىن ودان ءارى جەتىلدىرۋ بولىپ وتىر. سونىمەن قاتار، زاڭ جوباسىندا ەلىمىزدىڭ سىرتقى ساۋدانى رەتتەۋ سالاسىنداعى زاڭناماسىن حالىقارالىق شارتتارعا، سونىڭ ىشىندە كەدەن وداعى مەن دسۇ نورمالارىنا سايكەستەندىرۋ كوزدەلەدى.
«زاڭ جوباسىنىڭ اياسىندا ارنايى كيىمدەردى پايدالانۋ ارقىلى قۇقىق بۇزۋشىلىقتار، قىلمىستار جاساۋدى تەجەۋ شارالارى قامتىلىپ وتىر.
اتاپ ايتقاندا، اسكەري جانە ارنايى كيىمدەر، نىساندى كيىمدەرگە جاتاتىن تاۋارلاردى ەركىن ساۋدادا ساتۋعا شەكتەۋلەر بەلگىلەنەدى» ، دەدى ۇلتتىق ەكونوميكا ءمينيسترى ەربولات دوسايەۆ.
بۇدان بولەك، زاڭ جوباسىندا ەلەكتروندىق ساۋدانى جۇزەگە اسىرۋ بارىسىندا ساتۋشىنىڭ، ونىڭ ىشىندە ساتۋشىنىڭ ءوزى تۋرالى اقپارات بەرۋ مىندەتى قاراستىرىلىپ وتىر. سونىمەن قاتار، ەلەكتروندىق ساۋدا بارىسىندا تۇتىنۋشىلاردىڭ قۇقىقتارىن قورعاۋ نورماسى قامتىلادى.
اۆتور: قانات مامەتقازى ۇلى
