بولاشاق جۋرناليست «اتىراۋ ارۋى» اتاندى - فوتو

جەڭىمپاز ارۋ دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىنىڭ ءبىرىنشى كۋرسىندا وقيدى. اراي سەرىكبايەۆا «اتىراۋ ارۋى» بايقاۋىنا ەكى جىل بۇرىن دا قاتىسقان، ءبىراق جەڭىمپاز اتانا المادى. «سودان كەيىن مەندە بايقاۋدا جەڭىپ شىقسام دەگەن ارمان پايدا بولدى. بايقاۋعا ەكى جىلداي دايىندالدىم، مودەل مەكتەبىنە باردىم، شەشەندىك ونەر ترەنينگىنەن ءتالىم الدىم»، - دەيدى قىز.

بايقاۋدا I ۆيتسە-ارۋ اتاعى بوتاگوز ارالقايەۆاعا، ەكىنشى جۇلدە الينا ديحتيارەنكوعا، ال ءۇشىنشى ورىن ءاليا ءسانجانوۆاعا بۇيىردى.

ەندى «اتىراۋ ارۋى-2014» اراي سەرىكبايەۆا بوتاگوز ارالقايەۆا ەكەۋى 28- قاراشادا الماتىدا وتەتىن «قازاقستان ارۋى» رەسپۋبليكالىق بايقاۋىنا قاتىسادى. ايتا كەتەيىك، 2014-جىلى بايقاۋدا جەڭىمپازدار تۇڭعىش رەت ونلاين جانە SMS داۋىس بەرۋ ارقىلى انىقتالادى. بايقاۋدىڭ فينالىندا مارات ورالعازين، ءالي وقاپوۆ، سالتانات بەكجىگىتوۆا، لۋينا، يليا يلين سياقتى تانىمال ادامداردان تۇراتىن قازىلار القاسى ەڭ ۇزدىك ءۇش ارۋدى تاڭدايدى. بۇدان سوڭ تىكەلەي ەفيردەگى داۋىس بەرۋدىڭ ناتيجەسىندە «قازاقستان ارۋى» اتاعىنا لايىق سايىسكەر بەلگىلى بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى