شەكارادان ءىرى مولشەردە ەسىرتكى زاتىن ارقاسىنا جابىستىرىپ وتكىزبەك بولعان ازامات ۇستالدى

تەكسەرۋ بارىسىندا ودان كونتەينەر تۇرىندە سكوتچپەن ورالعان 21 تۇيىنشەك تابىلىپ، الىندى. كۇدىكتى ازامات ولاردى ارقاسىنا جاپسىرىپ العان. تاركىلەنگەن «گاشيشتىڭ» سالماعى 349,56 گرامدى قۇرايدى. بۇل اسا ءىرى كولەمدەگى ەسىرتكى زاتى بولىپ ەسەپتەلەدى.

كۇدىكتىنىڭ ايتۋىنشا، ەسىرتكى زاتىن ول جەكە باسىنا قولدانۋ ءۇشىن جامبىل وبلىسى شۋ قالاسىنداعى بەلگىسىز ەر ازاماتتان الىپ، ونى ر ف نەفتەيۋگانسك قالاسىنا الىپ كەتپەكشى بولعان.

قازىرگى ۋاقىتتا ق ر ق ك 250- بابىنىڭ 4- ءبولىمى (وتە ءىرى مولشەردە ەسىرتكى نەمەسە پسيحوتروپتىق زاتتارعا بايلانىستى جاسالعان ارەكەتتەر) جانە 259- بابىنىڭ 1- ءبولىمى (ەسىرتكى زاتتاردى نەمەسە پسيحوتروپتىق زاتتاردى وتكىزۋ ماقساتىنسىز وتە ءىرى مولشەردە زاڭسىز ساتىپ الۋ، تاسىمالداۋ نەمەسە ساقتاۋ) بويىنشا قىلمىستىق ءىس قوزعالدى.

ۇستالعان ازامات پەتروپاۆل قالاسىنداعى ىشكى ىستەر باسقارماسىنىڭ ۋاقىتشا ۇستاۋ يزولياتورىنا قامالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى