الماتى ءۇندىستان جانە قىتاي ەلدەرىمەن بايلانىستارىن ارتتىرا تۇسپەك

قالا باسشىسى ەكى ەل اراسىنداعى ءوزارا تىعىز بايلانىستى اتاپ ءوتتى. اتاپ ايتقاندا، قالادا 71 بىرلەسكەن جانە 245 ۇندىلىك كاپيتالمەن جۇمىس ىستەيتىن كاسىپورىنداردىڭ بار ەكەندىگىن جەتكىزدى. قوس تاراپ ۇندىلىك كومپانيالاردىڭ يندۋستريالدى ايماقتاعى «يننوۆاتسيالىق تەحنولوگيالار پاركىندە» جۇمىس جاساۋى ءوزارا قارقىندى بايلانىسقا تىڭ سەرپىن بەرەتىندىكتەرىن ايتتى. ءۇندى ەلشىسى تۋريزم مەن باسقا دا سالالار بويىنشا بايلانىستى ودان ءارى كەڭەيتە تۇسۋگە مۇددەلى ەكەندىكتەرىن ءبىلدىردى.

«الماتىعا مەن العاش رەت كەلىپ تۇرمىن. تابيعاتى عاجاپ، بىرەگەي قالا ەكەن. الماتى مەن ءۇندىنىڭ ءوزارا سەرىكتەستىك الەۋەتتەرىن ارتتىرا تۇسۋگە تولىق مۇمكىندىكتەر بار»، - دەپ اتاپ ءوتتى حارش كۋمار دجاين.

سونداي-اق احمەتجان ەسىموۆ قازاقستانداعى ديپلوماتيالىق ميسسياسىن اياقتايتىن قىتاي حالىق رەسپۋبليكاسىنىڭ الماتىداعى باس كونسۋلى دۋ ءدەۆەندى قابىلدادى. الماتى اكىمى سوڭعى جىلدارى مەگاپوليس پەن قىتاي اراسىندا پوزيتيۆتى قارىم-قاتىناستىڭ دامي تۇسكەندىگىن اتاپ ءوتتى. بۇعان قازاقستان مەن الماتىدا بولعان ق ح ر-نىڭ ءتوراعاسى شي جينپينمەن، قىتاي وڭىرلەرى باسشىلارىمەن، قىتايلىق كومپانيالار جەتەكشىلەرىمەن بولعان كەزدەسۋلەر وڭ ىقپال ەتتى. مىسالى، 2013-جىلى مەگاپوليس پەن ق ح ر اراسىنداعى تاۋار اينالىمى %35 عا ارتتى. ءوز كەزەگىندە دۋ دەۆەن حانىم الماتى مەن قىتاي اراسىندا ءتۇرلى سالالار بويىنشا وڭ ىقپالداستىقتىڭ قالىپتاسقانىن ايتتى.

«ەڭ باستىسى، سوڭعى جىلدارى قىتاي الماتى تۋرالى، ال الماتىلىقتار قىتاي جونىندە مول ماعلۇمات الاتىن بولدى. ەكى جاققا دا پايدالى ءوزارا بايلانىستىڭ بۇدان بىلاي دا دامي بەرەتىندىگىنە سەنىمدىمىن»، - دەدى كونسۋل.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى