شىعىس قازاقستان وبىلىسىنىڭ تۇرعىنى پوليتسيا قىزمەتكەرىن تىستەپ العان
3 - قاراشا كۇنى بەسقاراعاي اۋىلىنىڭ ۋچاسكەلىك پوليتسيا ينسپەكتورى «موسكۆيچ» كولىگىن توقتاتقان. كولىك رولىندە الكوگولدى ىشىمدىكتى پايدالانعان جۇرگىزۋشى وتىرعان. تەكسەرۋ كەزىندە بەسقاراعاي اۋىلىنىڭ 22 جاستاعى تۇرعىنىنىڭ تەحنيكالىق پاسپورتسىز، ساقتاندىرۋسىز كولىك باسقارعانى جانە كولىگىن جىل سايىنعى تەحنيكالىق باقىلاۋدان وتكىزبەگەنى انىقتالدى.
ءتارتىپ ساقشىسى اكىمشىلىك قۇجات راسىمدەپ جاتقاندا، زاڭ بۇزۋشىنى 33 جاستاعى اۋىلداسى جاقتاي باستايدى. اشى سۋ ءىشىپ العان ايەل پوليسەيگە كولىكتى ايىپپۇل تۇراعىنا جەتكىزۋگە كەدەرگى كەلتىرگەن. ول ۋچاسكەلىك ينسپەكتوردىڭ سىرت كيىمىندەگى پوگونداردى جۇلىپ الىپ، ونىمەن دە قويماي، بىلەگىنەن تىستەپ العان.
قازىرگى ۋاقىتتا اتالعان فاكتى بويىنشا ق ر ق ك 321- بابىنا سايكەس قىلمىستىق ءىس قوزعالدى. جانجالقور ايەل ەشقايدا كەتپەۋ تۋرالى قولحاتپەن ۇستالىپ وتىر.
