قىتايدىڭ باس كونسۋلى الماتىداعى ميسسياسىن اياقتادى
دەپ حابارلايدى Almaty.tv ءتىلشىسى الماتى قالاسى اكىمىنىڭ باسپا ءسوز قىزمەتىنە سىلتەمە جاساي وتىرىپ.
الماتى اكىمى سوڭعى جىلدارى الماتى مەن قىتاي اراسىندا پوزيتيۆتى قارىم- قاتىناستىڭ دامي تۇسكەندىگىن اتاپ ءوتتى. بۇعان قازاقستان مەن الماتىدا بولعان ق ح ر- نىڭ ءتوراعاسى شي جينپيڭمەن، قىتاي وڭىرلەرى باسشىلارى، قىتايلىق كومپانيالار جەتەكشىلەرىمەن بولعان كەزدەسۋلەر وڭ ىقپال ەتتى. مىسالى، 2013 - جىلى مەگاپوليس پەن ق ح ر- ى اراسىنداعى تاۋار اينالىمى 35 پايىزعا ارتتى.
ءوز كەزەگىندە دۋ دەۆەن حانىم الماتى مەن قىتاي اراسىندا ءتۇرلى سالالار بويىنشا وڭ ىقپالداستىقتىڭ قالىپتاسقانىن اتاپ ءوتتى.
«ەڭ باستىسى، سوڭعى جىلدارى قىتاي الماتى تۋرالى، ال الماتىلىقتار قىتاي جونىندە مول ماعلۇمات الاتىن بولدى. ەكى جاققا دا پايدالى ءوزارا بايلانىستىڭ بۇدان بىلاي دا دامي بەرەتىندىگىنە سەنىمدىمىن»، - دەدى كونسۋل حانىم.
