قازاق حاندىعى تۋرالى تۇسىرىلەتىن تەلەحيكاياعا «شىڭعىسحان» فيلمىنە تۇسكەن اكتەرلەردى شاقىرامىز- مينيستر

بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە ق ر مادەنيەت جانە سپورت ءمينيسترى ارىستانبەك مۇحامەدي ۇلى ءمالىم ەتتى.

 «قازىرگى كەزدە بىرنەشە رەجيسسەرلىك- ستسەناريلىك توپ قۇرىپ جاتىرمىز. وسى ورايدا ءوزىمىزدىڭ اقان ساتايەۆ، رۇستەم ءابدىراشوۆ سەكىلدى جاقسى رەجيسسەرلەر بار، سونىمەن قاتار «گروموۆتاردى» تۇسىرگەن باقىت قيلىبايەۆتى شاقىرىپ جاتىرمىز»، - دەدى مينيستر.

 ا. مۇحامەدي ۇلىنىڭ ايتۋىنشا، «شىڭعىسحان» فيلمىندە تۇسكەن جانە وزگە دە تۋىندىلاردا تاريحي تۇلعالاردى سومداعان اكتەرلەردى شاقىرتۋ قاراستىرىلىپ وتىر.

«سەريالدى ءتۇسىرۋدىڭ وزىندىك ەرەكشەلىگى بار. وسى ورايدا بۇل باعىتتاعى مامانداردا كەڭىنەن تارتىپ جاتىرمىز. قازاق حاندىعى تۋرالى سەريالدى تۇسىرەتىن ناقتى رەجيسسەرلىك توپ جايىندا بيىلعى جەلتوقساندا حابارلانادى» ، - دەدى مينيستر.

 بۇدان بۇرىن حابارلانعانداي، مادەنيەت جانە سپورت ءمينيسترى الداعى جىلى قازاق حاندىعىنا بايلانىستى عىلىمي كونفەرەنتسيالار، دەرەكتى جانە كوركەمدىك فيلمدەر شىعاتىندىعىن حابارلادى. ونىڭ ىشىندە ەلباسىنىڭ تاپسىرماسىمەن قازاق حاندىعىنا ارنالعان 20 سەريالى ۇلكەن تەلەحيكايا تۇسىرىلەدى.

وسى ورايدا ول بۇل باعىتتا ءتيىستى جۇمىستار باستالعانىن ايتا كەلە، «2015 - جىلدىڭ قاڭتارىنان باستاپ بۇل سەريالداردى ءتۇسىرۋدى ىسكە اسىرامىز»، - دەدى.

اۆتور: رۋسلان عابباس

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى