قازاقستان ەستراداسىنىڭ جۇلدىزدارى قاتەرلى ىسىككە شالدىققان انشىگە قارجى جيناپ بەرمەك
كونسەرت 11 - قاراشا كۇنى جامبىل اتىنداعى قازاق مەملەكەتتىك فيلارمونياسىنىڭ عيماراتىندا وتەدى. بيلەت ساتىلىمىنان تۇسكەن قارجى جاننانىڭ ەمدەلۋىنە جۇمسالادى.
ەستەرىڭىزگە سالا كەتەيىك، ءانشىنىڭ باسىنا تۇسكەن قيىن جاعداي تۋرالى قازان ايىندا بەلگىلى بولعان ەدى. سول ۋاقىتتان بەرى ءانشى وڭتۇستىك كورەيادا ەمدەلىپ جاتىر. ەمدەۋ شاراسى قىمبات بولعاندىقتان، ونىڭ وتباسى مەن تۋىستارى كوپشىلىكتەن كومەك سۇراپ وتىر.
جاننا ساتتاروۆا - قازاقستانداعى جالعىز دجاز ءانشىسى، نيۋ- يوركتاعى دجاز مۋزىكانتتارىنىڭ حالىقارالىق قاۋىمداستىعىنىڭ مۇشەسى. ساحنادا وتكىزگەن 20 جىلىندا ءانشى بىرنەشە رەت حالىقارالىق فەستيۆالدەردىڭ جەڭىمپازى بولىپ ۇلگەردى. سونداي- اق بىرنەشە بەينەبايان ءتۇسىرىپ، ءبىر جيناعىن شىعاردى.
اۆتور: گۇلميرا عوسمانالي
