قىتاي مەن رەسەي انتاركتيدادا قورىق قۇرۋعا قارسى
اۆستراليانىڭ حوبارت قالاسىندا 31- قازان كۇنى وتكەن جيىندا رەسەي دەلەگاتسياسى انتاركتيدانىڭ تەڭىز جانۋارلارى رەسۋرسىن ساقتاۋ كوميتەتىنىڭ تەڭىز جانۋارلارىن قورعايتىن قورىق قۇرۋ تۋرالى ۇسىنىسىن ءتورتىنشى رەت قابىلداماي تاستادى.
قىتاي دەلەگاتسياسى بۇعان دەيىن تەڭىز ەكولوگياسىن قورعاۋدى قولداپ كەلگەن ەدى. بۇل جولى قىتاي دەلەگاتسياسى دا انتاركتيدادا قورىق قۇرۋ يدەسىن قولداماي تاستادى.
بۇعان دەيىن رەسەيدى جاقتاپ، قورىق قۇرۋعا قارسى بولىپ كەلگەن ۋكراينا بۇل جولى پوزيتسياسىن وزگەرتىپ، قورىق قۇرۋ جوسپارىن قولدادى.
ا ق ش دەلەگاتسياسى باسشىسى ەۆان بلۋم «ءبىز الەمدە ەڭ ۇلكەن تەڭىز قورىعىن قۇرۋعا ۇمىتتەنگەن ەدىك» دەدى.
انتاركتيدادا تەڭىز جانۋارلارىنىڭ 10 مىڭنان استام ءتۇرى، ونىڭ ىشىندە الەمدەگى پينگۆيندەردىڭ، كيتتەردىڭ، تەڭىز قۇستارى مەن كالمارلاردىڭ كوپشىلىگى تىرشىلىك ەتەدى.
«ازاتتىق»
