مۇعالىمدەر قاعازدان تولىعىمەن باس تارتۋعا دايىن ەمەس
توقتالا كەتەتىن جايت، وندا ەلىمىزدەگى اقپاراتتاندىرۋ جوبالارىنىڭ جۇزەگە اسىرىلۋى تالقىلانعان بولاتىن.
«e-learning» جوباسىنىڭ باستى ماقساتتارىنىڭ ءبىرى - مۇعالىمدى تىكەلەي وقۋ ۇدەرىسىمەن بايلانىستى ەمەس فۋنكتسيالاردان بوساتۋ بولاتىن. شىندىعىندا، مۇعالىمنىڭ وقۋدى جوسپارلاۋ، تاپسىرمالار بەرۋ، ونى تەكسەرۋ، سەكىلدى جۇمىستارى باستان اسادى، ەسەپ بەرۋلەر دە وتە كوپ. سونىمەن قاتار، مۇعالىم ءوزىنىڭ ۋاقىتىنىڭ 30 پايىزدان استامىن وقىتۋدان بولەك جۇمىستارعا جۇمسايدى» ، - دەيدى «ۇلتتىق اقپاراتتىق تەحنولوگيالار» ا ق باسقارما ءتوراعاسى رۋسلان ەڭسەبايەۆ.
ونىڭ ايتۋىنشا، بۇگىنگى كۇنى ەلىمىزدەگى 1559 مەكتەپتەگى مۇعالىمدەردىڭ 70 پايىزى «e-learning» جۇيەسىن پايدالانىپ ءجۇر. «شىندىعىندا بۇگىنگى كۇنى مۇعالىمدەردىڭ جۇمىستارى قوسارلانىپ جاتىر. سوندىقتان دا، بۇل باعىتتا ەڭ الدىمەن قاعاز بويىنشا جۇمىستاردىڭ ءبىر- ءبىرىن قايتالانۋىن بولدىرماۋ كەرەك»، - دەدى رۋسلان ەڭسەبايەۆ.
ءسوز اراسىندا جيىنعا قاتىسىپ وتىرعان ۆيتسە- سپيكەر داريعا نازاربايەۆا «مۇعالىمدەر بۇگىن قاعازدان باس تارتۋعا دايىن با؟» دەگەن سۇراق قويعان بولاتىن. «ارينە، بۇگىنگى كۇنى بارلىق مەكتەپتەر ساقاداي ساي تۇر، بارلىعى دايىن دەپ ايتا المايمىز» - دەدى ءبىلىم جانە عىلىم مينيسترلىگى مەكتەپكە دەيىنگى، ورتا ءبىلىم جانە اقپاراتتىق تەحنولوگيالار دەپارتامەنتىنىڭ ديرەكتورى جاڭىل جونتايەۆا.
«ەلىمىزدە 293 مىڭ پەداگوگ بار، سونىڭ جىل سايىن 8 مىڭى وسى جۇيەمەن وقيدى، سونىمەن قوسا، جىل سايىن جاڭادان 10-12 مىڭ پەداگوگ قىزمەتكە كەلەدى. سوندىقتان دا، بۇگىنگى كۇنى تولىعىمەن قاعازدان باس تارتا الامىز دەپ ايتۋعا ەرتەرەك»، - دەدى ج. جونتايەۆا.
ءوز كەزەگىندە ۆيتسە- سپيكەر «e-learning» جوباسىنىڭ ءتيىمسىز بولىپ وتىرعانىن العا تارتتى. «بۇنىڭ ءبارىن نە ءۇشىن ايتىپ وتىرمىز، اقپاراتتىق تەحنولوگيالار «e-learning» جوباسىن ازىرلەگەنىمەن، ونى پايدالاناتىن كادر بولماسا وعان جۇمسالعان قاراجات قۇمعا سىڭگەن سۋداي. جۇيە بار، ەنگىزۋگە تىرىسىپ جاتىرسىزدار، الايدا ءبىلىم جۇيەسى وعان دايىن ەمەس»، - دەدى د. نازاربايەۆا.
اۆتور: قانات مامەتقازى ۇلى
