استانادا وقۋشىلارعا جول اپاتىنان قورعايتىن بىلەزىكتەر تاراتىلدى
ەلوردادا ءبىرىنشى سىنىپ وقۋشىلارىنا جارىق شاعىلىستىراتىن بىلەزىكتەردىڭ 70 جيىنتىعى تاراتىلدى. بۇل بۇيىمدار قاراڭعىدا جولدان ءوتىپ بارا جاتقان ادامدى بايقاۋعا، بالالاردىڭ مەكتەپكە قاۋىپسىز بارىپ-كەلۋىنە، سونداي-اق بالالاردىڭ قاتىسۋىمەن ورىن الاتىن ج ك و سانىن ازايتۋعا مۇمكىندىك بەرەدى. بۇل ماسەلە قىستا كۇن قىسقارعاندا اسا وزەكتى بولادى.
«جارىق شاعىلىستىراتىن ەلەمەنتتەرى بار كيىم-كەشەكتى كيۋ جانە زاتتاردى الىپ ءجۇرۋ كەشكى ۋاقىتتا جولدان ءوتىپ بارا جاتقان جاياۋ جۇرگىنشىلەردى بايقاۋدىڭ ەڭ ءتيىمدى جانە قاراپايىم تاسىلدەرىنىڭ ءبىرى. مۇنى كوپتەگەن شەتەلدىك زەرتتەۋلەر دالەلدەپ وتىر.
جارىق شاعىلىستىراتىن ەلەمەنتتەردى پايدالانۋ جاياۋ جۇرگىنشىنى قاعىپ كەتۋ قاۋپىن 6,5 ەسەگە ازايتادى. ادەتتە جۇرگىزۋشى ادامدى 25-40 مەتر بۇرىن بايقايدى. كولىكتىڭ جاقىن جارىق فارلارىمەن بۇل كورسەتكىش 130-140 مەترگە، ال قوزعالىس كەزىندە الىس جارىق فارلارىمەن جۇرگەندە 400 مەترگە دەيىن جەتەدى»، - دەدى استانا قالاسىنىڭ ءى ءى د اكىمشىلىك پوليتسيا باسقارماسىنىڭ ەرەكشە تاپسىرمالار جونىندەگى اعا ينسپەكتورى لاريسا كراسنيكوۆا.
الداعى ۋاقىتتا ەلوردالىق مىڭداعان وقۋشى وسىنداي جارىق شاعىلىستىراتىن بىلەزىكتەرمەن قامتاماسىز ەتىلەدى، ونى سومكەگە دە، سىرت كيىمگە دە تاعىپ الۋ وڭاي.
