ءۇيدىڭ قابىرعاسىن شاريعات تالاپتارىنا ساي اشەكەيلەگەن سۋرەتشى - فوتو
رۋستام سالەمگارايەۆ زا رابوتويفەستيۆالگە قاتىسۋشى وزگە ساۋلەتشىلەرمەن بىرگە قازان قالاسىنىڭ تۇرعىنى كوشە سۋرەتشىسى رۋستام سالەمگەرەيەۆ تە سايىسقا قاتىسىپ، توعىز قاباتتى تۇرعىن ءۇي قابىرعاسىنا ءوزىنىڭ العاشقى اۋقىمدى جۇمىسىن سىزىپ شىقتى.
ءبىر قىزىعى، رۋستام وسىمدىك الەمى ارقىلى ورىلگەن ويدىڭ نەگىزگى كەيىپكەرلەرىنە باس ورنىنا گۇل قاۋىزدارى بەينەلەگەن كورىنەدى.
رۋستام سالەمگەرەيەۆتىڭ سيۋررەاليستىك دەپ اتالاتىن جانردا ەڭبەك ەتىپ جۇرگەنىنە كوپ بولعانىمەن، جاندى بەينەنىڭ سۋرەتىن سالۋدان باس تارتقانىنا نەبارى التى اي عانا تولىپتى.
«بۇعان يسلام ءدىنىنىڭ جاندى بەينەنىڭ سۋرەتىن سالۋعا قاتىستى تىيىم سالعانى سەبەپ بولدى. سوندىقتان دا مەن رۇقسات ەتىلگەن سۋرەت ونەرى مەن جاندى بەينەلەردىڭ اراسىنداعى «التىن ارالىقتى» تابۋعا تالپىندىم. اللا تاعالا مەنىڭ قيالىما قانات بەرىپ، ونەرىمنىڭ ورگە ءجۇزۋىن ءناسىپ ەتتى»، - دەيدى رۋستام ءوزىنىڭ سۇحباتىندا.
وسىلايشا، سۋرەتشى ەڭبەكتەرىندە جاڭا بەينەلەر پايدا بولا باستادى: باس ورنىنا گۇل قاۋىزدارى، باقالشاقتار، ءتىپتى ۇيلەر ورنالاسقان. قيالىنا قانات بىتىرگەن جاڭا بەينەلەرگە كورەرمەندەر تاراپىنان قىزۋ قولداۋ ءبىلدىرىلىپ، رۋستام ءوز ونەرىن دامىتا ءتۇستى.
كىشى نوۆگورود تۇرعىندارى قالا ۇيلەرىنىڭ قابىرعاسى قالاي تۇرلەنىپ جاتقاندىعىن تايلى-تۇياعىمەن تاماشالاپ، سۋرەتشىنى ءۇزىلىس ۋاقىتىندا جەمىس-جيدەكتەرمەن، جاڭا پىسكەن بالىشپەن سىيلاۋعا تىرىستى. ءتىپتى، كەيبىرى ۇيلەرىنە قوناققا شاقىرىپ، رۋستامنىڭ شاڭىراقتارىندا ناماز وقىعانىن قالادى.
