اەروعارىش كوميتەتى ءوزىنىڭ «قازعارىش» برەندىن ساقتاپ قالدى
ق ر يدم اەروعارىش كوميتەتىنىڭ ءتوراعاسى بولىپ تالعات مۇسابايەۆ تاعايىندالدى. سونداي-اق ول قازاقستان پرەمەر-ءمينيسترىنىڭ شتاتتان تىس كەڭەسشىسى بولدى.
ق ر ي د م ا ع ك- نىڭ باسپا ءسوز قىزمەتىنىڭ حابارلاۋىنشا، تاياۋدا اەروعارىش كوميتەتى تۋرالى ەرەجە بەكىتىلدى، سونداي-اق ق ر ي د م ا ع ك ءتوراعاسىنىڭ ورىنباسارلارى تاعايىندالدى. اتاپ ايتقاندا، اەروعارىش كوميتەتى ءتوراعاسىنىڭ ورىنباسارلارى بولىپ مەيىربەك مولدابەكوۆ پەن ەركىن شايماعامبەتوۆ تاعايىندالدى. ولار بۇعان دەيىن دە ق ر ۇلتتىق عارىش اگەنتتىگىنىڭ ءتوراعاسى تالعات مۇسابايەۆتىڭ ورىنباسارلارى بولعان ەدى.
اەروعارىش كوميتەتى ءتوراعاسىنىڭ ورىنباسارلارىنىڭ قاتارىنا ق ر ۇ ع ا-نىڭ بۇرىنعى جاۋاپتى حاتشىسى ەرعازى نۇرعاليەۆ تە قوسىلدى.
سونىمەن بىرگە ق ر ي د م ءتوراعاسىنىڭ بۇيرىعىمەن قۇرىلىمدىق بولىمشەلەردىڭ باسشىلارى مەن كوميتەت قىزمەتكەرلەرى تاعايىندالدى.
قۇرىلىمدى وڭتايلاندىرۋ كەزىندە اەروعارىش كوميتەتىنىڭ شتاتتىق سانى 10 پايىزدان استام قىسقاردى.
ق ر ي د م-ىندە بەكىتىلگەن بۇيرىق پەن ادىلەت منيسترلىگىنەن وتكەن ق ر ي د م اەروعارىش كوميتەتى تۋرالى ەرەجەگە سايكەس اەروعارىش كوميتەتىنىڭ «قازعارىش» دەگەن قىسقاشا اتاۋى (نەمەسە برەند) ساقتالىپ قالدى، دەپ اتاپ ءوتتى باسپا ءسوز قىزمەتىندە.
