ۇلتتىق ارنا قانشا پايىز قازاقشا تىلدە كورسەتىلەدى؟
كورپوراتسيا 100 مىڭنان از تۇرعىندار سانى بار ەلدى مەكەندەردە دە ۇقساس پوزيتسياعا يە. مۇنىڭ بارلىعى ءوز ءوندىرىسىمىزدىڭ كونتەنتىنىڭ ساپاسىن وزگەرتۋمەن جانە ۇلعايتۋمەن بايلانىستى بولىپ وتىر. بۇگىنگى كۇنى بارلىق تەلەكەستە قايتا قارالىپ، وقۋشىدان باستاپ زەينەتكەرگە دەيىنگى جاس ارالىعىنداعى تەلەكورەرمەندەرىمىز جانىنا جاقىنىن تاڭداپ الا الادى دەگەن ۇمىتتەمىز. وتاندىق تەلەارنالاردىڭ اراسىنان ءبىزدىڭ تەلەارنا قوعامدىق ماڭىزدى باعدارلامالاردى، تەلەحيكايا ونىمدەرىن جانە دەرەكتى فيلمدەردى العاش رەت ورىس تىلىندەگى سۋبتيترلارمەن بەرە باستادى.
بۇدان باسقا، «قازاقستان» ۇ ت ا ءوز كونتەنتىنە ءوتۋ جانە ساپاسىن ارتتىرۋ ماقساتىندا 2014-جىلى تابىستى بولعان سەريالدىق جەلىلەردىڭ شىعارىلىمىن جالعاستىرۋ تۋرالى شەشىم قابىلداندى. الەمدىك تاجىريبە كورسەتكەندەي، سەريال نەعۇرلىم تابىستى بولعان سايىن، تەلەكورەرمەندەر ونىڭ جالعاسىن اسىعا كۇتەدى. ءبىزدىڭ اۋديتوريا ءۇشىن مۇنداي سەريالداردىڭ قاتارىنا «سىرعالىم»، 2-ماۋسىم (32 سەريا)، «كوك تارلاندارى»، 2-ماۋسىم (18 سەريا)، «جەدەل جاردەم» (24 سەريا)، «دوستار»، 2-ماۋسىم (32 سەريا) سەريالدارىن جاتقىزۋعا بولادى. سونداي-اق ءجۇز سەريالى «قاراشاڭىراق» جاڭا تەلەۆيزيالىق فيلمى ەفيرگە جول تارتقان بولاتىن. ۇلى جەڭىستىڭ 70 جىلدىعىنا «ەشكىم ۇمىتىلمادى» اتتى جەتى تاراۋدان تۇراتىن كوركەمدىك-دەرەكتى تسيكل دايىندالۋدا.
ءبىز ءوز تاريحىمىزعا، مادەنيەتىمىزگە، داستۇرلەرىمىزگە ۇڭىلۋگە بەت بۇردىق. بۇل ءوز ءوندىرىسىمىزدىڭ ساپالى جاڭا باعدارلامالارىن جاساۋعا يتەرمەلەيدى. ءبىزدىڭ تەلەارنا تەلەكورەرمەندەردىڭ بارلىق وزگەرىستەرى مەن قالاۋلارىنا جاۋاپ بەرۋگە تىرىسادى.
«قازاقستان» ءتۇرلى جانرداعى ءونىمدى بىرىكتىرەتىن ارنا. تانىمدىق، ويىن-ساۋىق، تالداۋ، تاريحي، جاڭالىقتار، بيزنەس جوبالار - مۇنىڭ بارلىعى باعدارلامالىق كەستەنىڭ نەگىزىنە الىنىپ، تەلەكورەرمەندەردىڭ كوڭىلىنەن شىعۋدا.
ايتا كەتەيىك، «قازاقستان» رەسپۋبليكالىق تەلەراديوكورپوراتسياسى «قازاقستان» ۇلتتىق تەلەارناسىن، «بالاپان» جانە «КAZsport» ارنالارىن، قازاق راديوسىن، «شالقار»، «استانا»، «Classic» راديولارى مەن ايماقتىق تەلەراديوكومپانيالاردى بىرىكتىرەدى.
