تەڭىزگە توتە جولى جوق دامۋشى ەلدەردىڭ جيىنى ءوتتى
اتالعان مەملەكەتتەردىڭ دامۋ بولاشاعى ۆەنادا وتكەن جيىندا تالقىعا ءتۇستى. ب ۇ ۇ- نىڭ باس حاتشىسى پان گي مۋننىڭ ايتۋىنشا، مۇنداي ەلدەرگە اۋىلشارۋاشىلىعى، ماركەتينگ جانە قىزمەت كورسەتۋ سالالارىن قارقىندى دامىتۋ كەرەك. بۇدان بولەك، كولىك ينفراقۇرىلىمى دا نازاردان تىس قالماعانى دۇرىس.
ايتا كەتەيىك، تەڭىزگە شىعار جولى جوق ەلدەردىڭ كەڭەسى 2003 - جىلى ەلىمىزدە وتكەن بولاتىن. وسى جولى الماتىدا قابىلدانعان ءىس- قيمىل باعدارلاماسى ارقىلى ناقتى دامىتۋشى باعىتتار انىقتالدى.
گيان چاندرا اچاريا، ب ۇ ۇ باس حاتشىسىنىڭ ورىنباسارى:
- تەڭىزگە شىعار جولى جوق ەلدەر توبىنىڭ جيىنى 10 جىلدا ءبىر رەت وتكىزىلەدى. ەندى وسى 32 دامۋشى مەملەكەتتىڭ تەڭىزگە ەشبىر كەدەرگىسىز قاتىناۋى مەن وڭىرلىك ىنتىماقتاستىقتىڭ دامۋىنا بارىنشا نازار اۋدارۋىمىز قاجەت. كونفەرەنسيادا ايتىلعان ماسەلەلەر وڭ شەشىمىن تاۋىپ، جوعارى جەتىستىكتەرگە جەتەرىمىزگە كامىل سەنەمىن. بۇل مەملەكەتتەردە تۇراتىن 440 ميلليوننان استام ادامعا قول ۇشىن بەرىپ، جاقسى ءومىر سۇرۋىنە كومەك كورسەتەيىك.
www.24.kz
