يراكتىڭ سولتۇستىگىندە تۇرىكمەن ءتىلى رەسمي ءتىل بولىپ قابىلداندى
يراك تۇرىكمەن مايدانىنىڭ دەپۋتاتى ايدىن مارۋف اتالعان زاڭنىڭ ماڭىزدىلىعىنا نازار اۋدارىپ: «وسى زاڭعا قاراعاندا كۇردىستان ايماعىندا اراب جانە كۇرد تىلدەرىمەن قوسا، ەندى تۇرىكمەن ءتىلى دە رەسمي ءتىل رەتىندە مەكتەپتەردە، مەملەكەتتىك ورگانداردا جانە سوتتاردا قولدانىلادى. بۇل ءۇشىن تۇرىكمەن تۇرعىن سانى 20 پايىز بولۋى كەرەك. قازىر ەربيل جانە سۇلەيمانيەنىڭ كيفري اۋدانى وسى شارتقا ساي. وسىنداعى تۇرىكمەندەر ءۇشىن ماڭىزدى كەزەڭ باستالدى»، - دەدى.
مارۋف 1993 - جىلدان بەرى تۇرىك ءتىلىنىڭ مەكتەپتەردە ءبىلىم ءتىلى رەتىندە قولدانىلعانىن ەسكە سالىپ، تۇرىكمەندەردىڭ وسى تاقىرىپتا جەتكىلىكتى ينفراقۇرىلىمى بار ەكەنىن ايتتى.
ايتا كەتەيىك، يراكتا كەمىندە ەكى ميلليون تۇرىكمەن ءومىر سۇرەدى.
