ماماندار استاناداعى تۇماننىڭ سەبەبىن ءتۇسىندىردى - فوتو

«قازگيدرومەت» ماماندارىنىڭ ايتۋىنشا، وڭىردە سۋىق اۋا ماسسالارىنىڭ جىلى اۋامەن الماسۋى تۇماننىڭ تۇسۋىنە سەبەپ بولدى.

«قازىر سۋىقتىڭ كولدەنەڭ باعىتتا اۋىسۋى سالدارىنان ادۆەكتيۆتى تۇمان بايقالىپ وتىر. ياعني وڭتۇستىك سيكلوندار سۋىق اۋا ماسسالارىمەن الماسىپ جاتىر. الداعى كۇندەرى قالىڭ تۇمان استانادان بولەك سولتۇستىكتە، سولتۇستىك- باتىس پەن شىعىستا دا بايقالاتىن بولادى. كورىنۋ مۇمكىندىگىنىڭ ناشار بولۋى تۇمانعا بايلانىستى»، - دەيدى ينجەنەر- سينوپتيك سايدا بەردىبەكوۆا.

ەسكە سالا كەتەيىك، استانانى 1- قاراشادان بەرى تۇمان باسىپ تۇر. الەۋمەتتىك جەلىلەردە تۇمان كەزىندە تۇسىرىلگەن فوتوسۋرەتتەر تولىپ كەتتى. قولدانۋشىلار قالا قورقىنىشتى نەمەسە قيال- عاجايىپ فيلم تۇسىرۋگە قولايلى بولىپ تۇر دەپ قالجىڭداپ جاتىر.

بۇعان دەيىن قاراشانىڭ باسىندا ەلىمىزدىڭ كوپ بولىگىندە ەڭ جوعارعى تەمپەراتۋرا 2-10 گرادۋس جىلى ارالىعىندا، وڭتۇستىك پەن وڭتۇستىك- شىعىستا 8-18 گرادۋس جىلى ارالىعىندا بولاتىنى حابارلانعان ەدى. مۇنداي تەمپەراتۋرا كليماتتىق نورمادان 3-8 گرادۋسقا جوعارى.












http://kaz.tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى