عالىمدار وي الەمىن وقي الاتىن تەحنيكانى جاساپ شىقتى
ادامنىڭ وي-قيالى، ەشكىمگە بىلدىرمەيمىن دەيتىن ىشكى سىرلارى، ادام جانىنىڭ تەرەڭ قاتپارىندا جاتاتىن دۇنيەلەرى ەڭ قاۋىپسىز، باسقالار ونى مۇلدە بىلە المايدى دەلىنىپ كەلگەن. ءبىراق، كاليفورنيا ۋنيۆەرسيتەتىنىڭ عالىمدارى زەرتتەۋگە قاتىسقان ادامداردىڭ ۇلكەن ميىنداعى وي-پىكىردى ءساتتى تۇردە وقىپ شىققان.
زەرتتەۋشىلەر بۇل جەتىستىكتەرىن كۇندەردىڭ بىرىندە تۋما نەمەسە ءتىلى مۇكىس، سويلەۋ قابىلەتىن جوعالتقان ادامداردىڭ سويلەي الۋىنا كومەگى بولۋى مۇمكىن دەگەن ۇمىتتە.
عالىمدار جۇيگە جاسۋشالارىنىڭ كەيبىر دىبىستارعا بەلگىلى دەڭگەيدە جاۋاپ بەرەتىنىن بايقاعان، وسى نەگىزدە قۇپيانى شەشۋ امالىن قولدانىپ، كوڭىلدەگى وي-پىكىردى ەستەلىككە الۋ جولىن جاساپ شىققان.
تاجىريبەگە قاتىسۋشىلار الدىمەن داۋىستاپ بىرەر مازمۇندى وقىپ شىعادى، سوسىن وسىعان ۇقساس مازمۇندى ىشىنەن قايتالاي ويلاپ شىعادى ەكەن. ولشەۋ ناتيجەسى بۇل امال ارقىلى سىناققا قاتىسقانداردىڭ وقىعان مازمۇنى مەن ىشىنەن ويلاعان دۇنيەلەرىنىڭ بىردەي شىققانى بەلگىلى بولعان.
اقپارات كوزى: Massaget.kz
