شىمكەنتتەگى رەسپۋبليكالىق ايتىستىڭ جەڭىمپازدارى انىقتالدى - فوتو

كۇندەرى مەرەكەلى، تىرلىگى بەرەكەلى، ىنتىماعى جاراسقان وڭتۇستىك ولكەدە وسىلاي ءبىر ءدۇبىرلى ايتىس ءوتتى. زالعا سىيماي يىنتىرەسكەن كورەرمەندى ءسوزدىڭ نەبىر كەرەمەتىمەن قىزىققا بولەگەن اقىندار وزدەرى دە ەلدىڭ ىستىق ىقىلاسىنا بولەندى.

اسىرەسە، مۇحتار مەن نۇرلاننىڭ، ايبەك پەن بەكارىستىڭ ايتىستارى ەس جيعىزباي شاپالاق سوقتىردى. قاجىمۇقان مەن قانات، ءبىرجان مەن تالعات، ەسەت پەن قۋانىش تا ءوز باعالارىن الدى. ايتىسقا ارالىق سالىپ قوسىلعان نۇرلان مەن قۋانىش باپتارىندا ەكەنىن كورسەتتى.

قازىلار القاسىنىڭ شەشىمى بويىنشا، مۇحتار نيازوۆ ءۇشىنشى ورىنعا يە بولدى (750 مىڭ تەڭگە) . ال ەكىنشى ورىن قاجىمۇقان ابزالوۆتىڭ ەنشىسىنە ءتيدى (1 ميلليون تەڭگە) . ءبىرىنشى ورىندى بەكارىس شويبەكوۆ (1 جارىم ميلييون تەڭگە) يەلەندى. باس جۇلدەگە ايبەك قاليەۆ (2 ميلليون تەڭگە) لايىق دەپ تانىلدى.

بۇل ايتىسقا قاتىسقان اقىنداردىڭ ەشقايسىسى بوس قايتقان جوق. «نۇر وتان» پارتياسى ۇيىمداستىرعان الدىڭعى ايتىستارداعىداي ءار قايسىسى 500 مىڭ تەڭگەدەن قانجىعالادى. جانە «قازايتىس» سايتى دايىنداعان ارنايى جۇلدە نۇرلان مۇسايەۆقا تابىستالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى