باتىس قازاقستاندا يتتەر الپىستان استام قويدى قىرىپ تاستادى
پودستەپنىي اۋىلدىق اكىمدىگىنىڭ باس مامانى، مال دارىگەرى مەيىربەك سۇلتانوۆتىڭ ايتۋىنشا، ا. ءداۋتوۆ ءۇشىنشى ساياجاي قوعامى اۋماعىندا ۇساق مالداردى ۇستاعان.
قوراداعى قويعا ەكى يت ءتورت كۇشىگىمەن شاپقان. ءتورت اياقتى «جاۋ» الىستان كەلمەگەن كورىنەدى. سول ءۇشىنشى ساياجاي قوعامى 138-ۋچاسكە قوجايىندارىنىڭ ءيتى ەكەن. وندا تۇراتىن كەيۋانا ليۋدميلا زاۋتدينوۆادان ەكى يت الىنعان، كۇشىكتەرىن ازىرگە بەرمەگەن. ۋچاسكەلىك پوليتسيا ينسپەكتورلارىنىڭ كومەگىمەن قازىرگى كەزدە ءيتتىڭ قوجايىندارى ىزدەستىرىلۋدە. مال يەسىنە كەلگەن شىعىن ەسەپتەلۋ ۇستىندە.
