قىتايدىڭ اعىلشىن ءتىلدى باسىلىمى قازاق بۇركىتشىلەرى تۋرالى فوتو رەپورتاج جاريالادى - فوتو
«قازاقتار بالا كەزدەرىندە بۇركىت سياقتى ەركىن ۇشۋدى ارماندايدى. وسە كەلە وسى قۇستاردى قولعا ۇيرەتەدى. بۇل ورتالىق ازيادا تۇراتىن قازاقتاردىڭ ەجەلگى ءداستۇرى. الايدا بۇركىت قىزىل كىتاپقا ەنگىزىلگەن سوڭ، بۇركىتشىلەردىڭ قاتارى دا سيرەپ كەتتى. ءوز ءداستۇرىن ساقتاپ بۇل ءىستى جالعاستىرىپ كەلە جاتقاندار از»، - دەلىنگەن ماتەريالدا.
رەپورتاجدىڭ باستى كەيىپكەرى - ق ح ر شىنجاڭ ۇيعىر اۆتونوميالىق ولكەسى ىلە- قازاق اۆتونوميالى وبلىسىنىڭ 73 جاستاعى تۇرعىنى توقبەك اعا. ول بۇل ىسپەن كوپ جىلدان بەرى اينالىسىپ كەلەدى. بۇگىندە قاريا ءوز ءىسىن نەمەرەلەرى ەرزات پەن نۇرزاتقا ۇيرەتۋدە.
«قۇسبەگىلەر بۇركىتتەرگە وتباسى مۇشەسىنە سياقتى قارايدى. بالالار اتاسىنىڭ جولىن قۋادى دەپ ۇمىتتەنەمىز»، - دەپ جازادى باسىلىم.
