الماتىدا دەنيس تەنگە ەكى بولمەلى پاتەر سىيعا بەرىلدى

Central Park Residence تۇرعىن ءۇي كەشەنىندە ورنالاسقان ەكى بولمەلى پاتەردىڭ سەرتيفيكاتى دەنيس تەنگە «ازيا پروم رەسورسەز» ج ش س اتىنان.

Mega Center Alma-Ata ساۋدا ويىن-ساۋىق ورتالىعىندا سالتاناتتى جاعدايدا تابىستالدى.

ايتا كەتەلىك، Central Park Residence تۇرعىن ءۇي كەشەنى ورتالىق مادەنيەت جانە دەمالىس ساياباعىنىڭ ماڭىندا ورنالاسقان. ونىڭ باس ديرەكتورى ولەگ چەننىڭ ايتۋىنشا، پاتەر ۇلكەن ءارى ساۋلەتتى. تۇرعىن ءۇي كەشەنى ۇستىمىزدەگى جىلدىڭ سوڭىندا تولىعىمەن قولدانىسقا بەرىلەدى.

ال دەنيس تەننىڭ ايتۋىنشا، بۇل پاتەر ونىڭ ومىرىندەگى ەڭ ۇلكەن سىيلىق ەكەن.

«مۇنداي سىيلىققا يە بولۋ - مەن ءۇشىن ۇلكەن قۇرمەت. بۇل ءبىر جاعى مەنىڭ اتا-انامنىڭ دا ەڭبەگىنىڭ ارقاسى دەپ ەسەپتەيمىن. ويتكەنى، ولار قاشاندا مەنىڭ ەڭبەگىمنىڭ تابىستى بولۋىن تىلەيتىن. پاتەر وتە ىڭعايلى اۋماقتى ورنالاسقان. ءۇيدىڭ جانىندا ۋنيۆەرسياداعا ارناپ سالىنعان مۇز ايدىنى بار. سوندىقتان سول جارىس كەزىندە مەن ءوزىمىنىڭ وسى جاڭا پاتەرىمدە تۇراتىن شىعارمىن»، - دەدى د. تەن.

ەستەرىڭىزگە سالا كەتەلىك، ۇستىمىزدەگى جىلى اقپان ايىندا الماتى قالاسىنىڭ اكىمى احمەتجان ەسىموۆ سپورتشىعا Chevrolet Cruze اۆتوكولىگىن تارتۋ ەتكەن بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى