مەكتەپتەگى اتىستان ءۇش ادام قازا تاپتى

قاندى وقيعا بولعان كۇنى ءبىر قىز قايتىس بولدى، ەكىنشىسى - دجيا سوريانو اۋرۋحانادا ءۇش كۇن وتكەن سوڭ كوز جۇمدى. ال ءۇشىنشىسى 14 جاستاعى شەيلي چۋكۋلناسكيت بولدى. «ول وتكەن جۇمادا بولعان اتىستان العان اۋىر جاراقاتىنان پروۆيدەنستەگى وڭىرلىك مەديتسينالىق ورتالىعىندا قايتىس بولدى»، - دەدى اۋرۋحانا قىزمەتكەرلەرى. ولاردى اتقان دجەيلين فرايبەرگ ءوز-وزىنە قۇل جۇمسادى.

ەسكە سالا كەتەيىك، مەكتەپتە بولعان جاعدايدان تاعى دا ءۇش ادام جاراقات الدى. دارىگەرلەر ولاردىڭ جاعدايى اۋىر ەكەنىن ايتقان. بۇعان دەيىن حابارلانعانداي، وق اتۋشىدان قاشۋ ءۇشىن وقۋشىلار وقۋ بولمەلەرى مەن ستول استىندا تىعىلعان، پوليتسيا مەكتەپتى دەرەۋ قورشاۋعا الدى. تەرگەۋشىلەر ءولتىرۋدىڭ ءموتيۆى كەك الۋ بولعانىن ايتادى.

فرايبەرگتىڭ تۋىستارى ءجاسوسپىرىمنىڭ قولىنان قازا بولعان قىزداردىڭ ءبىرى ونىمەن كەزدەسۋدەن باس تارتقانىن، ونىڭ ورنىنا اعاسىمەن كەزدەسەتىنىن ايتتى دەپ ەسەپتەيدى. الايدا فرايبەرگ مەكتەبىندە ابىرويلى بولىپتى، ءتىپتى وتكەن بالداردىڭ بىرىندە «حانزادا» تيتۋلىن دا العان كورىنەدى.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى