ونەر جانە عىلىم سالاسىنداعى دارىندى شىعارماشىل جاستارعا ارنالعان ەلباسى گرانتتارىنا كونكۋرس جاريالانادى

«قازاقستان-2050» ستراتەگياسىنىڭ ويداعىداي جۇزەگە اسۋىنا ىقپال ەتۋ، مەملەكەتىمىزدىڭ الەۋمەتتىك-ەكونوميكالىق، مادەني-گۋمانيتارلىق جانە عىلىمي-تەحنيكالىق دامۋى مەن دارىندى شىعارماشىل جاستاردى قولداۋ ماقساتىندا ن. نازاربايەۆتىڭ مادەنيەت، ءبىلىم جانە الەۋمەتتىك باعدارلامالار قورى (بۇدان ءارى - قور) كوركەم جانە عىلىمي جوبالاردى جۇزەگە اسىرۋعا، جەتەكشى حالىقارالىق شىعارماشىلىق جانە عىلىمي ورتالىقتاردا تاعىلىمدامادان وتۋگە، حالىقارالىق شىعارماشىلىق كونكۋرستار مەن عىلىمي كونفەرەنتسيالارعا قاتىسۋعا ارنالعان 2015-جىلى تاعايىندالاتىن ن. نازاربايەۆتىڭ گرانتتارىنا رەسپۋبليكالىق كونكۋرس جاريالايدى.

ن. نازاربايەۆتىڭ مادەنيەت، ءبىلىم جانە الەۋمەتتىك باعدارلامالار قورىنىڭ تومەندە جاريالانعان گرانتتار جونىندەگى ەرەجەسىنە سايكەس رەسىمدەلگەن ۇمىتكەرلەردىڭ ماتەريالدارى مەن قۇجاتتارى 2015-جىلدىڭ 1- اقپانىنا دەيىن مىنا مەكەنجاي بويىنشا قابىلدانادى: ن. نازاربايەۆتىڭ مادەنيەت، ءبىلىم جانە الەۋمەتتىك باعدارلامالار قورى، استانا قالاسى، 010000, قونايەۆ كوشەسى، 10, 2503 وفيس.

قۇجاتتاردىڭ ەلەكتروندى ءتۇرىن nazarbayevfoundation@gmail.com. پوشتاسىنا جىبەرۋگە بولادى.

ونەر جانە عىلىم سالاسىنداعى دارىندى شىعارماشىل جاستارعا ارنالعان نۇرسۇلتان نازاربايەۆتىڭ گرانتى تۋرالى

ەرەجە

1. جالپى ەرەجەلەر

2. «قازاقستان-2050» ستراتەگياسىنىڭ ويداعىداي جۇزەگە اسۋىنا ىقپال ەتۋ، مەملەكەتىمىزدىڭ الەۋمەتتىك- ەكونوميكالىق، مادەني-گۋمانيتارلىق جانە عىلىمي-تەحنيكالىق دامۋى مەن دارىندى شىعارماشىل جاستاردى قولداۋ ماقساتىندا ن. نازاربايەۆتىڭ مادەنيەت، ءبىلىم جانە الەۋمەتتىك باعدارلامالار قورى (بۇدان ءارى - قور) مادەنيەت جانە ءبىلىم سالاسىنداعى نۇرسۇلتان نازاربايەۆتىڭ گرانتتارىنىڭ تاعايىندالعانى جونىندە حابارلايدى.

3. وسى ەرەجە قور گرانتتارىنىڭ بەرىلۋ ءتارتىبىن بەلگىلەيدى (بۇدان ءارى - گرانتتار).

4. گرانتتاردى بەرۋدىڭ ماقساتتارى:

1) دارىندى شىعارماشىل جاستار مەن جاس عىلىمي جۇمىسشىلاردىڭ كاسىبي شەبەرلىگى مەن بىلىكتىلىگىن ارتتىرۋ، قازاقستاننىڭ ونەرى مەن عىلىمىن حالىقارالىق ارەنادا ويداعىداي تانىستىرۋ ءۇشىن قولداۋ؛

2) دارىندى شىعارماشىل جاستار مەن جاس عالىمداردىڭ حالىقارالىق شىعارماشىلىق جانە عىلىمي-تەحنيكالىق ورتالىقتارعا قولجەتىمدىلىگىن ۇيىمداستىرۋعا ىقپال ەتۋ بولىپ تابىلادى.

4. قور:

1) كوركەم، عىلىمي جانە عىلىمي-تەحنيكالىق جوبالاردى جۇزەگە اسىرۋعا؛

2) جەتەكشى حالىقارالىق شىعارماشىلىق جانە عىلىمي ورتالىقتاردا تاعىلىمدامادان وتۋگە، حالىقارالىق شىعارماشىلىق كونكۋرستار مەن عىلىمي كونفەرەنتسيالارعا قاتىسۋعا ارنالعان گرانتتاردى تاعايىندايدى جانە بولەدى.

5. قور قورمەن بەكىتىلەتىن باسقا دا سيپاتتاعى گرانتتاردى تاعايىنداۋعا قۇقىلى.

2. گرانتتاردى تاعايىنداۋداعى كونكۋرستىق تاڭداۋدىڭ ءتارتىبى

6. گرانتتار كونكۋرستىق نەگىزدە تاعايىندالادى.

7. قۇجاتتار قور بەلگىلەگەن مەرزىمدە ۇسىنىلادى.

كونكۋرستىق تاڭداۋ جانە ونىڭ قورىتىندىسى تۋرالى اقپارات ب ا ق-تاردا جانە قوردىڭ ينتەرنەت-رەسۋرسىندا ورنالاستىرىلادى.

8. گرانتتاردى الۋعا كەلەسى كاتەگورياداعى ازاماتتاردىڭ قۇقىعى بار:

1) وتىز جاسقا دەيىنگى دارىندى شىعارماشىل جاستار؛

2) مەملەكەتكە باسىمدى بولىپ تابىلاتىن باعىتتاردا بولاشاق عىلىمي زەرتتەۋلەردى جۇرگىزۋگە بەلسەندى قاتىساتىن وتىز بەس جاسقا دەيىنگى عالىمدار؛

3) عىلىمي زەرتتەۋلەردى جۇرگىزۋگە بەلسەندى قاتىساتىن ستۋدەنتتەر نەمەسە جوعارى وقۋ ورىندارىنىڭ تۇلەكتەرى.

9. گرانتتاردى الۋعا جۇمىستاردى ۇسىنۋ قۇقىعى جەكە تۇلعالارعا، سونداي-اق جەرگىلىكتى اتقارۋشى ورگاندارعا، شىعارماشىلىق ۇجىمدارعا، عىلىمي ۇيىمدار مەن مەنشىك نىساناسىنا قاراماستان قازاقستان رەسپۋبليكاسىنىڭ جوعارى وقۋ ورىندارىنا (بۇدان ءارى - ۇيىمدار) بەرىلەدى.

10. گرانتتى الۋعا جۇمىستاردى ۇسىنۋ تۋرالى شەشىم گرانتتى ۇسىناتىن ۇيىمدا بەكىتىلگەن ءتارتىپ بويىنشا قابىلدانادى.

11. گرانتتى الۋعا جەكە جانە سانى بەس ادامنان اسپايتىن اۆتورلار ۇجىمىنىڭ جۇمىستارى ۇسىنىلۋى مۇمكىن. ءاربىر اۆتور جانە اۆتورلار ۇجىمى كونكۋرسقا تەك ءبىر عانا جۇمىس ۇسىنۋعا قۇقىلى.

12. گرانت الۋعا جۇمىس ەكى رەتتەن ارتىق ۇسىنىلمايدى. وسى گرانتتىڭ لاۋرەاتىنىڭ جاڭا جەتىستىكتەرى بولعان جاعدايدا وعان گرانت الدىڭعى تاعايىندالعان گرانتتان كەيىن بەس جىل وتكەننەن سوڭ قايتا بەرىلۋى مۇمكىن.

ۇجىمدىق جۇمىستىڭ اۆتورلارىنا گرانتتىڭ اقشا بولىگى تەڭ ۇلەستە تولەنەدى.

13. گرانت الۋعا كەلەسى قۇجاتتار ۇسىنىلادى:

1) كونكۋرسقا قاتىسۋ جونىندەگى ءوتىنىش؛

2) الۋشىنىڭ تۇيىندەمەسى؛

3) جەكە كۋالىگىنىڭ جانە ءتول قۇجاتىنىڭ كوشىرمەسى؛

4) بەينە، اۋديو-فوتو ماتەريالدار تۇرىندەگى كوركەمدىك جۇمىستار جانە ونىڭ مازمۇنى، وزەكتىلىگى، جاڭاشىلدىعى جانە شىعارماشىلىق قۇندىلىعى باياندالعان سيپاتتاماسى؛

5) كىتاپتار، مونوگرافيالار، وقۋلىقتار، تۇپتەستىرىلگەن ماقالالاردىڭ باسپا-تاڭباسى، پاتەنتتەردىڭ كوشىرمەسى، اۆتورلىق كۋالىكتەر، ەسەپتەر تۇرىندەگى جانە باسقا نىساندارداعى عىلىمي جۇمىستار؛

6) جۇمىستى ۇسىنعان ۇيىمنىڭ حاتتاماسىنان كوشىرمە؛

7) گرانت الۋشىنىڭ نەگىزگى جۇمىس ورنىنان انىقتاما (بولعان جاعدايدا)؛

8) گرانت الۋشىنىڭ قىزمەتى تۋرالى شىعارماشىلىق ۇلەسى كورسەتىلگەن قىسقاشا مىنەزدەمەسى (ۇجىمدىق جۇمىستار ءۇشىن)؛

9) نەگىزگى جۇمىستاردىڭ ءتىزىمى (5-ەۋدەن ارتىق ەمەس)؛

10) وزگە دە قۇجاتتار (بولعان جاعدايدا).

14. گرانت الۋعا ارنالعان ماتەريالدار حابارلاندىرۋ جاريالانعان كۇننەن باستاپ 2015-جىلعى 1- اقپانعا دەيىن قورعا ۇسىنىلادى.

15. گرانتتاردى الۋعا ۇسىنىلعان جۇمىستار مەن ماتەريالدار اۆتورلاردىڭ حات جۇزىندەگى تالابى بويىنشا ءبىر دانادا قايتارىلادى.

3. كونكۋرستىق كوميسسيانىڭ جۇمىس ىستەۋ ءتارتىبى

16. قابىلدانعان ماتەريالداردى قاراۋ جانە گرانتتاردى تاعايىنداۋ ماسەلەسى بويىنشا شەشىم قابىلداۋ ءۇشىن قوردىڭ شەشىمىمەن كونكۋرستىق كوميسسيا قۇرىلادى.

كونكۋرستىق كوميسسيا ساباعاتتىق - كەڭەسشى ورگان بولىپ تابىلادى جانە قور وكىلدەرىنەن، قازاقستان رەسپۋبليكاسىنىڭ ونەر جانە عىلىم قايراتكەرلەرىنەن قۇرىلادى.

گرانتتاردى الۋعا كونكۋرستىق كوميسسيا مۇشەلەرىنىڭ جۇمىستارى ۇسىنىلعان جاعدايدا سوڭعىلارى كوميسسيانىڭ جۇمىسىنا قاتىسپايدى.

17. كونكۋرستىق كوميسسيا گرانت الۋعا ۇسىنىلعان جۇمىستاردى الدىن الا قاراۋ ءۇشىن سەكسيالار قۇرادى (ەكسپەرتتىك كوميسسيالار)، ولاردىڭ قۇرامى مەن جۇمىس ىستەۋ ءتارتىبىن بەلگىلەيدى.

18. كونكۋرستىق كوميسسيا سەكسيانىڭ قورىتىندىسىنىڭ نەگىزىندە قور باسشىلىعىنىڭ قاراۋىنا ءوزىنىڭ شەشىمىن ەنگىزەدى.

19. كونكۋرستىق كوميسسيا سەكسيانىڭ قورىتىندىسىنىڭ نەگىزىندە قور گرانتتى تاعايىنداۋ جونىندە شەشىم قابىلدايدى.

20. گرانتتاردى تاعايىنداۋ جونىندەگى كونكۋرستاردىڭ ناتيجەسى ب ا ق-تاردا نەمەسە قوردىڭ ينتەرنەت-رەسۋرسىندا جاريالانۋعا جاتادى.

4. گرانتتاردى ءبولۋ ءتارتىبى جانە ولاردىڭ ماقساتتى پايدالانىلۋىن باقىلاۋ

21. گرانتتار گرانت ءبولۋ تۋرالى كەلىسىم-شارت جاساۋ ارقىلى بولىنەدى.

22. گرانت ءبولۋ تۋرالى كەلىسىم-شارتتا جالپى شارتتاردان تىس مىنالار قاراستىرىلۋى ءتيىس:

1) كونكۋرستىق كوميسسيا شەشىمىنىڭ ءنومىرى مەن كۇنى؛

2) گرانتتىڭ ماقساتى؛

3) سودان كەيىن ءتيىستى ەسەپتى بەرە وتىرىپ، گرانتتى ماقساتتى پايدالاناتىنى تۋرالى گرانت الۋشىنىڭ مىندەتتەمەسى؛

4) ماقساتسىز پايدالانعانى ءۇشىن الىنعان قارجىنى قايتارۋ تۇرىندەگى گرانت الۋشىنىڭ جاۋاپكەرشىلىگى.

23. گرانت اقشا تۇرىندە كەلىسىم-شارتتا كورسەتىلگەن گرانت الۋشىنىڭ ەسەبىنە اۋدارۋ ارقىلى بەرىلەدى.

24. گرانتتى ماقساتسىز پايدالانۋ تۋرالى دەرەك انىقتالسا قور اۋدارىلعان اقشانى قايتارىپ الۋدى تالاپ ەتۋگە قۇقىلى.

25. گرانتتى ماقساتسىز پايدالانۋ قورمەن ۇيىمداستىرىلاتىن باسقا كونكۋرستارعا قاتىسۋعا جىبەرمەۋگە بايلانىستى باس تارتۋ ءۇشىن نەگىز بولىپ تابىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى