استانا اكىمىنىڭ سەناريى بويىنشا تۇسىرىلگەن جاڭا فيلم - كەسكىن
«عارىشتا وبەرون - ۋران سپۋتنيكتارىنىڭ ءبىرى. ال جەردە ول قازاقستان اۋماعىندا عانا تابىلعان سيرەك كەزدەسەتىن جالعىز مەتالل. سىبايلاسقان شەنەۋنىكتەر مەن حالىقارالىق كريميناليتەت وبەرون ەلەمەنتىن شەتەلگە شىعارىپ ساتپاق بولادى. ولاردىڭ ويىن جۇزەگە اسىرۋعا ق ر باس تەرگەۋ باسقارماسىنىڭ پولكوۆنيگى شىڭعىس ارلانوۆ قارسى بولادى. قىلمىسكەرلەر سنارياد قۇراستىرىپ، ونى الماتىنىڭ ورتالىعىندا سىناقتان وتكىزەدى. ەلەمەنت ءۇشىن كۇرەسكە راديكالدى كۇشتەر دە كىرىسىپ، جاعداي ۋشىعا تۇسەدى. پولكوۆنيك ارلانوۆ پەن ونىڭ جاقتاستارى جانىن پيدا ەتسە دە، لاڭكەستەردىڭ جولىن كەسىپ، ءتارتىپ ورناتۋعا بەل بۋادى»، - دەلىنگەن فيلم اڭداتپاسىندا.
كارتينا رەجيسسەرى ايدار باتالوۆ بولعانى ايتىلدى. باستى رولدە جۋرناليست ەردوس تولەگەنوۆ وينايدى. سونداي-اق، كورەرمەندەر بۇل فيلمدە باۋىرجان ابىشيەۆ، عاني قۇلجانوۆ، ءادىل ەسەنبولاتوۆ، دۋلىعا اقمولدا، اينۇر نيازوۆا جانە ەرىك جولجاقسىنوۆ سىندى اكتەرلەردى كورە الادى.
