چەمپيون بۇگىن انىقتالا ما؟

ءوز الاڭىندا قىزىلوردالىق «قايساردى» قابىلدايتىن «استانا» جەڭىسكە جەتىپ، الماتىلىق «قايرات» سىرت الاڭدا «اقتوبەگە» ەسە جىبەرەر بولسا چەمپيوندىق اتاق ماسەلەسى ەرتەرەك شەشىلەتىن بولادى. تاعى ءبىر ايتا كەتەتىنى، ەلوردالىق كلۋبتىڭ ەنشىسىندە ءبىر كەم ويىنى بار.

ۆلاديمير ۆايسس شاكىرتتەرى چەمپيوندىق اتاقتان ءۇمىت ۇزگىسى كەلمەيدى. ەگەر اقتوبەدە ۇپاي جوعالتىپ جاتسا، چەمپيوندىق اتاقتىڭ اۋىلى الىستاي تۇسپەك. «اقتوبە» بولسا العاشقى ۇشتىككە ەنۋ ماسەلەسىن شەشىپ قويعان. ويىن استانا ۋاقىتىمەن 18:00-دە باستالادى.

استانادا وتەتىن كەزدەسۋدىڭ ۋاقىتى دا وسى كەزدەسۋمەن قاتار قويىلىپ وتىر. ويتكەنى، ەكى ويىن قورىتىندىسىنىڭ ماڭىزى جوعارى.

العاشقى تورتتىككە ەنۋ ءۇشىن شىمكەنتتىك «ورداباسى» بارىن سالۋدا. سوڭعى ەكى ويىنىن ءوز الاڭىندا وتكىزەتىن ساۋليۋس شيرمياليس شاكىرتتەرىنە مۇمكىندىك مول. اسىرەسە، بۇگىن شاڭىراعى شايقالىپ تۇرعان «شاحتەردان» ۇپاي الىپ قالۋى ءۇشىن تالپىنارى انىق. بۇل ويىن استانا ۋاقىتىمەن ساعات 15:00 دە باستالادى.

ەكىنشى التىلىقتاعى كوماندالار تارتىسى دا قىزا ءتۇستى. ازىرگە 25 ۇپايمەن بۇل توپتى باستاپ تۇرعان «اتىراۋ» تۇزدە «سپارتاكپەن» كەزدەسەدى. سەمەيلىك كلۋب بۇگىن ۇپاي جوعالتار بولسا پرەمەر-ليگادان شىعىپ قالۋ قاۋپىنە تاعى ءبىر قادام جاسايدى. تاريحى باي قوستانايلىق «توبىل» دا «قاۋىپتى ايماقتىڭ قوناعى» بولىپ تۇر. بۇگىن ءوز الاڭىندا تالدىقورعاندىق «جەتىسۋدى» جەڭەر بولسا، ءوز ورنىن «سىيعا» تارتاتىن بولادى. ال «تاراز» بولسا ءوز الاڭىندا «ەرتىستى» قابىلدايدى. ەكى ۇجىمدا دا 22 ۇپايدان بار.

ايتا كەتەيىك، 2015-جىلعى پرەمەر-ليگا ويىندارىنىڭ جۇيەسىنە وزگەرتۋ ەنگىزىلمەيتىن بولدى. 12- ورىن العان كوماندا ءبىرىنشى ليگاعا تۇسسە، 11- ورىن العان كلۋب ءبىرىنشى ليگانىڭ ەكىنشى ورىن العان كومانداسىمەن ءبىر ورىنعا تالاساتىن بولادى.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى