حالىقارالىق «شابىت» فەستيۆالىنە قىتاي مەملەكەتىنىڭ تۇرعىندارى دا قاتىسادى

بۇل تۋرالى ەلوردا اكىمدىگىنىڭ باسپا ءسوز قىزمەتىنەن حابارلاندى. بايقاۋ جوسپارىنا سايكەس، 7- قاراشادا قورىتىندى شىعارىلىپ، جەڭىمپازدار انىقتالادى. ەسكە سالايىق، 3-8- قاراشادا استانادا XVII حالىقارالىق شىعارماشىل جاستاردىڭ «شابىت» فەستيۆالى اشىلادى.

فەستيۆال بىرنەشە اتالىم بويىنشا وتەدى: «ۇزدىك ادەبي شىعارما»، «كامەرالىق مۋزىكا»، «حورەوگرافيا»، «سيمفونيالىق وركەستردى ديريجەرلەۋ» جانە ت. ب.

بايقاۋدى ۇيىمداستىرۋشىلاردىڭ حابارلاۋىنشا، «حالىق مۋزىكاسى» اتالىمى بويىنشا ەڭ كوپ ءوتىنىش كورشى قىتاي مەملەكەتىنىڭ تۇرعىندارىنان كەلىپ تۇسكەن. مۋزىكانتتار سازسىرناي، جەتىگەن، سىبىزعى سىندى اسپاپتاردا ويناۋ بويىنشا شەبەرلىك بايقاسادى. ال قازاقستاندىقتاردىڭ باسىم بولىگى - سولتۇستىك قازاقستان وبلىسى مەن شىمكەنت قالاسىنىڭ وكىلدەرى.

بيىل فەستيۆالعا قاتىسۋشىلار جاڭا «حالىق مۋزىكاسى» جانە «كامەرالىق حور» اتالىمدارى بويىنشا باقتارىن سىناماق. قازىلار القاسى جاستاردىڭ ونەرىن باعالاپ، جەڭىمپازداردى انىقتايدى. ءداستۇر بويىنشا ولار «پرەزيدەنت كۋبوگىن» يەلەنەدى. «شابىت» فەستيۆالىنىڭ باستى سىيلىعى - لاۋرەات ديپلومى، مەدال مەن 250000 تەڭگە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى