الەمدە ءار مينۋت سايىن ءبىر ايەل جاتىر موينى قاتەرلى ىسىگىنەن كوز جۇمۋدا

«حالىقارالىق مەديتسينالىق قۇقىق» قوعامدىق بىرلەستىگى مەن «مەديتسينا كادرلارىن ۇزدىكسىز كاسىپتىك دامىتۋ» قوعامدىق بىرلەستىگىنىڭ مۇرىندىق بولۋىمەن وتكەن شارادا كوپشىلىكتىڭ كوكەيكەستى ماسەلەسىنە اينالعان وسى ءبىر قاتەرلى دەرتكە قارسى ەكپە جاساۋ تۋرالى دا ايتىلدى.

مامانداردىڭ ايتۋىنشا، الەمدە ءار مينۋت سايىن 1 ايەل جاتىر موينى قاتەرلى ىسىگىنەن كوز جۇمۋدا. ال قازاقستاندا كۇنىنە 2 ايەل وسى دەرتتەن باقيلىق بولادى. ءبىر جىلدا ەلىمىزدە 1200 ايەل جاتىر موينىنىڭ قاتەرلى ىسىگىنە شالدىعادى.

دۇنيە ءجۇزىنىڭ وزىق ەلدەرىندە جاتىر موينى ىسىگىنە قارسى ەكپە 2006-جىلدان بەرى جۇرگىزىلىپ كەلەدى. ازىرگە بۇل - قاتەرلى دەرتتىڭ الدىن الۋدىڭ ادامزات ويلاپ تاپقان جالعىز جولى.

ت م د ەلدەرى اراسىندا قازاقستان - جاڭا ەكپەنى ەنگىزگەن ءبىرىنشى ەل. 2013-جىلى ا پ ۆ جۇقپاسىنا قارسى 11-12 جاستاعى قىزدارعا تەگىن ەكپە جاساۋ باعدارلاماسى استانا، الماتى قالالارىندا، پاۆلودار جانە اتىراۋ وبلىستارىندا باستالعان.

2013-جىلدىڭ قازانىندا پاۆلودار وبلىسىندا ەكى قىزدىڭ جاعدايى ناشارلاۋىنا بايلانىستى، ەكپە توقتاتىلعان بولاتىن. كەيىن، ماماندار تەكسەرە كەلە، قىزداردىڭ دەنساۋلىعىنا تونگەن ەش قاۋىپ جوقتىعىن ايتقان. 2013-جىلدىڭ قاراشاسىنان باستاپ ەكپە جاساۋ جالعاسىپ كەلەدى.

ماماندار بۇگىنگى كونفەرەنتسيادا كەرى اسەر ەتەتىن ستەرەوتيپتەر مەن سوقىر نانىمداردى جويۋ قاجەتتىگىن جەتكىزدى.

«قازاقستاندا ەكپەگە قارسى قوزعالىس قالىپتاستى. ونى جوعارعى جاقتان قوزعاپ وتىرعان شەنەۋنىكتەر دە بار، ءتىپتى دارىگەرلەردىڭ اراسىندا دا تولىققاندى پىكىرى قالىپتاسپاعان ماماندار بار. ءبىزدىڭ ايتارىمىز مۇنداي تەرىس پىكىردەن قوعامدى تازارتۋىمىز كەرەك. ەگەر، جاس قىزدارىمىزدىڭ دەنساۋلىعىن، ۇلت ساۋلىعىن ويلاساق، ەكپە جاساۋدى جاپپاي جۇزەگە اسىرۋ كەرەك»، - دەدى س. د. اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىنىڭ پروفەسسورى امىرەيەۆ ساكەن.

پروفەسسوردىڭ ايتۋىنشا، ازىرگە قازاقستاندا ا پ ۆ جۇقپاسىنا قارسى 11-12 جاستاعى قىزداردى ەكپەمەن قامتۋ %70- دى قۇراپ وتىر.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى