قازاق ونەرىنىڭ ساڭلاقتارى: ءجانيا اۋباكىروۆا

  ول الماتىدا 1957 - جىلدىڭ قىركۇيەك ايىنىڭ 9 - كۇنى تۋان. ءجانيا پ. ي. چايكوۆسكي اتىنداعى مەملەكەتتىك كونسەرۆاتوريانى 1979 - جىلى، ال 1981 - جىلى اسپيرانتۋرانى پروفەسسور ل. پ. ۆلاسەنكونىڭ سىنىبى بويىنشا ءبىتىردى.

 ول 1979 - جىلى اباي اتىنداعى قازاق مەملەكەتتىك اكادەميالىق وپەرا جانە بالەت تەاترىندا كونتسەرتمەيسترلىك قىزمەتىن باستاپ، 1981 - جىلدان باستاپ 12  جىل بويى قۇرمانعازى اتىنداعى قازاق ۇلتتىق كونسەرۆاتوريادا اعا وقىتۋشى، دوتسەنت، ارنايى فورتەپيانو كافەدراسىنىڭ مەڭگەرۋشىلىك قىزمەتتەرىن اتقارادى. 1993 - جىلدان پروفەسسور، 1997 - جىلدان باستاپ وسى كونسەرۆاتوريانىڭ رەكتورى. ق ر حالىق ءارتىسى ءجانيا ياحيا قىزى اۋباكىروۆانىڭ ەسىمى دۇنيەجۇزى مۋزىكا سۇيەر قاۋىمىنا كەڭىنەن تانىمال. ونىڭ پيانينوداعى شەبەر ەڭبەك جولى قازاقستان مەملەكەتتىك سىيلىعىمەن، فرانسيانىڭ ونەر جانە ادەبيەتىنىڭ وردەنىمەن، قازاقستان مەن رەسەي اراسىنداعى دوستىقتى بەكىتكەنى ءۇشىن ІІ - ەكاتەرينا اتىنداعى 2- دارەجەلى «كاۆالەر» وردەنىمەن ماراپاتتالدى. «پلاتينالىق تارلان» تاۋەلسىز سىيلىعىنىڭ لاۋرەاتى جانە قازاقستان لەنين كومسومولى سىيلىعىنىڭ لاۋرەاتتى، ال 1991 - جىلى ق ر ءارتىسى اتاعى بەرىلدى. فرانتسيادا وتكەن حالىقارالىق مارگارەت لونگ جانە جاك تيبو كونكۋرسىندا 1983 -جىلى گرانپريدى جەڭىپ العان. جەڭىستەردىڭ ءبىرى   - 1985 - جىلى حالىقارالىق كامەرالىق انسامبلدەردىڭ كونكۋرسىندا گرانپريگە، قازاقستان لەنين كومسومولى (1982) جانە "تارلان" (2001) سىيلىعىنىڭ يە بولعان. 1998 - جىلى «كلاسسيكا» اتتى مۋزىكالىق اگەنتتىكتى ۇيىمداستىردى. سونىڭ ارقاسىندا «فرانتسياداعى قازاق ماۋسىمدارىندا» ۇلكەن جەتىستىكتەرگە جەتىپ، وسىنداي كونتسەرتتەر 18 مەملەكەتتەردە ءوتتى. 30 دان استام ءۇنتاسپا جازىلىپ، ونىڭ قازاقستاندىق ورىنداۋشىلار تۋرالى 20 دان استام مۋزىكالىق فيلمدەرى جارىق كورەدى. قازاقستان رەسپۋبليكاسىنىڭ حالىق ءارتىسى (1991) .

ج. اۋباكىروۆانىڭ جەتىستىكتەرى تۋرالى 1984 - جىلى «جاڭا تولقىن» ، 1986 - جىلى «رويالدىڭ الدىنداعى مونولوگتار» ، 1998 - جىلى «دۋەت» اتتى دەرەكتى فيلمدەر تۇسىرىلگەن. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى