استانادا «مەن جانە مەنىڭ پوليتسەيىم» اكسياسى وتكىزىلدى - فوتو
ەكى كۇن بويى كامەلەتكە تولماعانداردىڭ ىستەرى جونىندەگى ينۆپەكتورلار 1-4 سىنىپ وقۋشىلارىنىڭ، سونىمەن قاتار، مەكتەپكە دەيىنگى مەكەمەلەردىڭ ەرەسەكتەر توپتارىنداعى تاربيەلەنۋشىلەر اراسىندا «پوليتسەي دوس ءارى قورعاۋشى» تاقىرىبىندا اڭگىمەلەسۋلەر، دارىستەر مەن تاقىرىپتىق ويىندار وتكىزدى. جول قوزعالىسى جاس ينسپەكتورلارىمەن (ج ق ج ي) بىرگە بالالارعا جولدارداعى جانە قوعامدىق ورىندارداعى، سونداي-اق، بەيتانىس ادامدارمەن قارىم-قاتىناس كەزىندەگى ءتارتىپتىڭ نەگىزگى ەرەجەلەرى ءتۇسىندىرىلدى. ساباق سوڭىندا پوليتسەيلەر بالالاردىڭ جول-كولىك وقيعالارى سالدارىنان جاراقاتتانۋىنىڭ الدىن الۋ ماقساتىندا 1- سىنىپ وقۋشىلارىنا تۇنگى ۋاقىتتا كورىنەتىن جارىق شاعىلىستىراتىن 70 بىلەزىك تابىستادى.
