قازاقستان افريكا ەلدەرىنە قارجىلاي كومەك كورسەتتى
ب ۇ ۇ-نىڭ جاۋاپتى جانە دايەكتى مۇشە مەملەكەتى، الەم ۇلتتارىنىڭ سەنىمدى سەرىكتەسى، وتكەن جىلى افريكا وداعىنا باقىلاۋشى رەتىندە كىرگەن مەملەكەت رەتىندە قازاقستان بۇل ءوتىنىشتى شۇعىل قاراستىرىپ، كەلىسىمىن بەردى. كومەك ەڭ الدىمەن افريكا قۇرلىعىنىڭ ەڭ كوپ زارداپ شەككەن ەلدەرىنە كورسەتىلەتىندىگى ەسكەرتىلدى.
قازاقستان كوپجاقتى ديپلوماتيانىڭ بەلسەندى جاقتاسى رەتىندە 2017-2018- جىلدارى ارالىعىنا ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە ءوز كانديداتۋراسىن ۇسىنعان بولاتىن. وسىعان دەيىن تاريحتا ورتالىق ازيا كەڭ سۋبايماعىنىڭ وكىلدەرى ب ۇ ۇ قاۋىپسىزدىك كەڭەسىندە وكىلدىك ەتپەگەنى الەمنىڭ زاماناۋي ترانس ۇلتتىق سىندارى مەن قاۋىپتەرىنە ۇشىراعان بارلىق ايماقتارىنىڭ تاعدىرى مەن ماسەلەلەرىن شەشۋدە اسا جاۋاپكەرشىلىك جۇكتەيدى.
2014-جىلعى قازان ايىنىڭ سوڭىندا قازاقستان ۇكىمەتى ب ۇ ۇ ەبولامەن كۇرەسۋ جونىندەگى ميسسيانىڭ قىزمەتىن قارجىلاندىرۋ ءۇشىن ب ۇ ۇ ەبولا ۆيرۋسىمەن كۇرەسۋ جونىندەگى ەرىكتى كوپ ارىپتەستىك قورىنا قاراجات ءبولدى. بۇل ماقساتتى قور ۇكىمەتتەر مەن باسقا دا ارىپتەستەردىڭ كۇش-جىگەرىن قولداۋ مەن باتىس افريكادا ەبولا بەزگەگىنىڭ تارالۋىنا بايلانىستى ماسەلەلەردى شەشۋگە ارنالعان قاجەتتى ەرىكتى سالىمداردى بىرىكتىرۋ ماقساتىندا قۇرىلعان. ونىڭ ماقساتى - 2014-جىلعى قاراشا ايىنىڭ باسىنا دەيىن دۇنيەجۇزىلىك دەنساۋلىق ساقتاۋ ۇيىمىنىڭ ەسەبىنە سايكەس اۋرۋدى توقتاتۋ ءۇشىن قاجەتتى 1 ميلليارد ا ق ش دوللارىن جيناۋ.
بۇگىنگى تاڭدا ب ۇ ۇ بۇل ماسەلەمەن كۇرەسۋدە 5 نەگىزگى ماقساتتى الدىنا قويىپ وتىر: اۋرۋ تارالۋىن توقتاتۋ، اۋرۋعا شالدىققان ادامداردى ەمدەۋ، قاجەتتى قىزمەت كورسەتىپ تۇراقتىلىقتى قولداۋ جانە ۆيرۋستىڭ ءارى قاراي تاراۋىنا جول بەرمەۋ.
