دەنساۋلىق ساقتاۋ جانە الەۋمەتتىك دامۋ مينيسترلىگى قازاقستاندىقتاردىڭ شەتەلدەردە ەمدەلۋگە قاجەتتىلىگىن جويماق
«مينيسترلىكتە جوعارى مامانداندىرىلعان مەديتسينالىق كومەك پەن بىرەگەي تەحنولوگيالاردى دامىتۋ بويىنشا اۋقىمدى شارالار قولعا الىنۋدا، بۇل بولاشاقتا قازاقستاندىق ازاماتتاردىڭ شەتەلدەرگە بارىپ ەم قابىلداۋعا دەگەن قاجەتتىلىكتەرىن جويادى»، دەلىنگەن اتالمىش ۆەدومستۆونىڭ «قازاقپارات» ح ا ا رەسمي ساۋالىنا بەرگەن جاۋابىندا.
مينيسترلىكتە سونداي-اق كەيىنگى جىلدارى وتاندىق كلينيكالاردا ادام اعزاسىنىڭ مۇشەلەرىنىڭ ترانسپلانتاتسياسى، جۇلىن ترانسپلانتاتسياسى ءتارىزدى وتالاردىڭ ءساتتى جۇزەگە اسىرىلىپ جاتقانى اتاپ ايتىلدى. قازىرگى كەزدە وتاندىق ونكولوگيالىق قىزمەت ق ر حالقىنا ونكولوگيالىق كومەك كورسەتۋدى دامىتۋدىڭ 2012-2016-جىلدارعا ارنالعان باعدارلاماسىندا قاراستىرىلعان ءتورت باعىتتى ۇستانادى. ونىڭ ءبىرىنشىسى العاشقى مەديتسينالىق-سانيتارلىق كومەك جۇيەسىن جەتىلدىرۋ بولسا، ەكىنشىدەن، ونكولوگيالىق اۋرۋلاردى دياگنوستيكالاۋ مەن ەمدەۋدىڭ جوعارى تەحنولوگيالىق ادىستەرىن دامىتۋ بولىپ تابىلادى. ال ۇشىنشىدەن، ونكولوگيالىق سالادا كادرلىق الەۋەتتى نىعايتۋ، ءتورتىنشىسى - ونكولوگيالىق قىزمەت ينفراقۇرىلىمىن جەتىلدىرۋ، ونىڭ ماتەريالدىق-تەحنيكالىق بازاسىن نىعايتۋ.
