ماقساتقا جەتۋ جولىندا نە ىستەۋ كەرەك؟
1. ءسىز ءتىرى جۇرگەنشە، ءبارى دە مۇمكىن ەكەنىن ۇمىتپاڭىز. دەنىڭىز ساۋ، باسىڭىز ەركىن بولسا، تابىسقا جەتۋگە بارلىق مۇمكىندىگىڭىز بار ەكەنىن ەستە ساقتاڭىز.
2. قيالعا بەرىلمەڭىز. بەلگىلى ءبىر باستامانىڭ لەزدە اياعىنا تۇرىپ كەتۋى ەكىتالاي. ءار نارسە باستاپقى كەزەڭىندە ۋاقىت پەن شىدامدىلىقتى تالاپ ەتەدى. ءسىز ءبىراز قاتەلىك جىبەرۋىڭىز مۇمكىن، ولاردان شوشىنىپ، قاشا جونەلمەي، ناتيجە شىعارىپ، ساباق الۋعا تىرىسۋىڭىز كەرەك.
3. ءسىزدىڭ رۋحىڭىز مىقتى! ءسىز ءوزىڭىز ويلاعاننان كوپ ەسە مىقىتىسىز. ءبىر قاتەلىك، ون نە ءجۇز قيىندىق تابىسقا جەتۋ جولىڭىزدا بوگەت بولا المايدى. بۇعان ىشتەي سەنىمدى بولىڭىز.
4. ءسىزدىڭ العا قويعان ماقساتىڭىزعا باسقا بىرەۋدىڭ قولى جەتتى مە؟ ءتىپتى، بۇكىل تاريحتا، بار الەمدە جالعىز ادام سوعان مىسال بولسا دا، بۇل ءسىزدىڭ سول ماقساتقا جەتە الۋىڭىزدىڭ كەپىلى رەتىندە ساناڭىز. ءسىز وزگەدەن كەم ەمەسسىز!
5. ارماندارىڭىزعا سەنە ءبىلىڭىز. ءسىزدىڭ جولىڭىزدا ارمانىڭىزعا جەتە المايتىنىڭىزدى ايتاتىن ادامدار ءالى-اق كەزدەسەدى. ەشقاشان ونداي سوزدەرگە سەنبەڭىز!
6. جاقىندارىڭىزدىڭ ءرولى. تۋعان-تۋىستارىڭىزعا، دوس-جاراندارىڭىزعا ماقساتتارىڭىزعا جەتۋ جولىنداعى شابىتتاندىرۋشى، قولداۋشى بولۋعا مۇرشا بەرىڭىز. اسىرەسە، سىزدەر، ەرلەر قاۋىمى!
7. ادامزات تىرشىلىگىنىڭ دەڭگەيىن كوتەرۋگە كومەك بەرىڭىز. مۇراتىڭىزعا قول جەتكىزگەن سوڭ، جەتىستىكتەرىڭىزدى پايدالانىپ، الەمدى، ءومىردى جاقسارتۋعا ۇلەس قوسۋىڭىزعا بولادى. بۇدان ءسىز رۋحاني ءلاززات الاتىنىڭىز ءسوزسىز.
8. ءسىز باقىتتى بولۋعا لايىقسىز. ءسىز باقىتقا دا، تابىسقا دا لايىقسىز. ماقساتىڭىزعا جەتپەيىنشە وسى ۇستانىمعا بەرىك بولىڭىز.
9. ءسىز جاقىنداپ قالدىڭىز... العا قويعان ماقساتىڭىزدان تايقىپ، كۇدەرىڭىزدى ۇزە باستاعاندا ارمانىڭىزدىڭ قول سوزىم جەردە ەكەنىن بىلەسىز بە؟ كوپ جاعدايدا ادامدار سىناقتىڭ قىرقىنا شىداپ، قىرىق بىرىندە ارتقا قايتادى. ەڭ وكىنىشتىسى، ءدال سول قايتقان جەردە ماقساتى وعان جاقىن بولعان بولىپ شىعادى. مۇنداي جاعدايعا قالماس ءۇشىن، جوعارىدا اتالعان كەڭەستەردىڭ ءبارىن ەسكەرىپ، وسى سوڭعىنى ۇنەمى جادىڭىزدا ساقتاپ جۇرسەڭىز، دەگەنىڭىزگە جەتەسىز دەگەن سەنىمدەمىز.
ىسكە ءسات، دوستار!
massaget.kz
