اتاجۇرتقا قونىستانعان اعايىننىڭ باسىم بولىگى وڭتۇستىك قازاقستاندا - ا. مىرزاحمەتوۆ
ءوڭىر باسشىسىمەن بولعان جۇزدەسۋدە مارتەبەلى قوناقتار قازاق تاريحىندا ورداباسى بيىكتىگى ەل بىرلىگىنىڭ سيمۆولىنا اينالعانىن اتاپ ءوتتى. شىمكەنتتە وسى تاريحي ورىننىڭ بۇگىنى مەن بولاشاعىنا ارنالعان كەلەلى كەڭەس ءوتىپ جاتقانى قۇپتارلىق باستاما دەپ باعالاپ، ۇلتتى ۇيىستىرار مۇنداي شارالار مەملەكەتتىلىگىمىزدىڭ ىرگەسىن ودان ءارى بەكەمدەي تۇسەتىنىنە سەنىم ءبىلدىردى.
تاۋەلسىزدىك جىلدارى ىشىندە الىس جانە شەت ەلدەردەن اتاجۇرتىنا اڭساپ جەتكەن قانداستارىمىزدىڭ باسىم بولىگى قازاقى قالپىنان اينىماعان وسى ولكەدە تۇراقتاپ قالعانىن، جەرگىلىكتى اكىمدىك ەلگە قونىستانعان قانداستارىمىزدىڭ وسى ءوڭىردىڭ تۇرمىس-تىرشىلىگىنە بەيىمدەلىپ كەتۋىنە بارىنشا قولداۋ كورسەتىپ، اۋقىمدى جۇمىستار اتقارعانىن اتاپ ءوتتى.
وبلىس اكىمى اسقار مىرزاحمەتوۆ اكىمدىك ۇيىتقى بولعان شاراعا ارنايى كەلگەن قوناقتارعا العىسىن بىلدىرە وتىرىپ، ورداباسى بارشا قازاق قاستەر تۇتقان كيەلى ورىن ەكەندىگىن مالىمدەدى. جاڭا تاريحي داۋىردە دە ورداباسى وتانداستارىمىزدى ورتاق ماقساتقا جۇمىلدىرىپ، ەلدىگىمىزدى پاش ەتىپ وتىرعاندىعىن، ەلدى بىرلىككە، ىنتىماققا، ءوزارا تۇسىنىستىككە جەتەلەيتىن كيەلى ورىن ەكەندىگىن اتاپ ءوتتى. وسى ورايدا تاۋەلسىز ەلىمىزدىڭ اياعىنان تىك تۇرىپ، بەكەمدەۋىنە الىس جانە جاقىن شەت ەلدەردەن كەلگەن قانداستارىمىز دا سۇبەلى ۇلەس قوسىپ وتىرعانىن جەتكىزدى.
اتاجۇرتقا قونىستانعان اعايىننىڭ باسىم بولىگى وڭتۇستىك قازاقستان وبلىسىن تاڭداعاندىعى بۇل ءوڭىردىڭ ەجەلدەن ۇلتتىق ءداستۇر مەن رۋحاني قۇندىلىقتارعا بەكەمدىگىمەن ءتۇسىندىردى. وڭتۇستىك ءوڭىرى حالقى كوپ قونىستانعان ولكە ەكەندىگىنە نازار اۋدارىپ، وبلىس اكىمدىگى تاراپىنان حالىقتى ءتيىمدى قونىستاندىرۋ ارقىلى ەڭبەك ونىمدىلىگىن ارتتىرۋ باعىتىندا اتقارىلىپ جاتقان جۇمىستارىمەن تانىستىردى، دەپ حابارلايدى ءوڭىر باسشىسىنىڭ باسپا ءسوز قىزمەتى.
