ەلباسى جولداۋىن ناسيحاتتاپ، ەلگە كەلدى - فوتو
سونىڭ ىشىندە ءتىل، بۇگىنگى قوعامعا قاۋىپ توندىرگەن تەرروريزممەن كۇرەسۋ، مەملەكەتتىلىكتى ساقتاۋ ماسەلەلەرىنە قاتىستى ءوز ويلارىن ورتاعا سالدى. اسىرەسە، ەلباسى ايتقانىنداي، قازاق پەن قازاقتىڭ اۋەلى وتباسىندا قازاقشا سويلەۋى كەرەكتىگىن اتاپ ءوتتى. ءتىلدى شۇبارلاماۋ كەرەك. ماڭگىلىك ەل بولۋ اۋەلى بەسىگىمىزدى، ءتىلىمىزدى تۇزەۋ كەرەك.
ارينە، زالعا جيىلعان جۇرتشىلىق تاراپىنان جىلى لەبىز بىلدىرگەندەر دە، كەيبىر كوكەيگە كەلگەن توتە سۇراقتارىنا تولىمدى جاۋاپ كۇتكەندەر دە بولدى. ءبىر ەسكەرەتىن جايت، ونى اقساقالداردىڭ وزدەرى دە اتاپ ءوتتى. - ۇلتتىق قاۋىپسىزدىك كوميتەتى قۇپيا قىزمەتتىك ورگان بولعاندىقتان، كەز كەلگەن ماسەلەگە، سۇراققا مىندەتتى تۇردە جاۋاپ الۋ قيىن. ءتىپتى كەي دەرەكتەر «اسا قۇپيا» دەگەن بەلگى سوعىلعان پاپكادا جىلداپ، عاسىرلاپ ساقتالۋى مۇمكىن. ونىڭ دا وزىندىك سەبەبى بار. سوناۋ جاپپاي قۋعىن-سۇرگىن جىلدارىندا اۋىل- ەلدىڭ كوپتەگەن ازاماتتارى «حالىق جاۋى»، «جاپونيانىڭ، گەرمانيانىڭ تىڭشىسى» دەگەن اقىلعا سىيمايتىن جالامەن اتىلىپ كەتتى، اباقتىدا ءشىرىدى. «ءوز ەركىممەن قىلمىسىمدى مويىندايمىن» دەگەن جولداردىڭ ادامدى اياۋسىز ۇرىپ-سوعۋ، قورلاپ-زورلاۋ ارقىلى الىنعاندىعى قازىر ەشكىمگە دە جاسىرىن ەمەس. وكىنىشكە قاراي، مۇمكىن باسقا امالى دا بولمادى، قاراقان باسىن ساقتاپ قالۋ ءۇشىن اۋىلداسىنىڭ، كورشىسىنىڭ، ءتىپتى تۋىسقانىنىڭ ۇستىنەن «دونوس» جازعاندار دا كەزدەستى. ال بۇگىن ولاردىڭ ارتىندا قالعان ۇرپاقتارى بار. ەگەر سول جىلدارداعى بارلىق قۇجاتتاردى اشىپ تاستايتىن بولسا، اعايىن مەن اعايىننىڭ اراسىندا ارازدىق، كورشى مەن كورشىنىڭ اراسىندا قورازدىق تۋماسىنا كىم كەپىل؟ سوندىقتان اششى شىندىقتى ايتۋ ءۇشىن دە بەلگىلى ءبىر ۋاقىت ءوتۋى كەرەك. ال جەكەلەگەن قۇجاتتاردان قۇپيا بەلگىسى الىنعاندىقتان، ولارمەن تانىسۋعا، زەرتتەۋگە، باسپا سوزدە جاريالاۋعا ەش كەدەرگى جوق.
وسىلايشا وي تولعاعان قاريالارعا باتىس قازاقستاندىق تۇرعىندار العىسىن ءبىلدىردى.
ايتا كەتەيىك، الدى توقساننىڭ تورىنە تاياعان، سوڭى 85 ءتى ەركىن ەڭسەرگەن ارداگەرلەر الماتى قالاسىندا تۇرادى. ساپار قوپاباي ۇلىنىڭ اسكەري شەنى - گەنەرال، عازيز بەن بوريس اقساقالداردىڭ ءبىرى - پولكوۆنيك، ەكىنشىسى - پودپولكوۆنيك. بۇعان دەيىن ولار جامبىل، قوستاناي، اقتوبە وڭىرلەرىندە بولىپ، ەلباسى جولداۋىن ناسيحاتتاعان.
