قازاقستانعا اسكەري قاۋىپ ءتونىپ تۇر ما؟ قاستىق ويلايتىن كىمدەر؟ قارسىلاس كىم؟
قۇسايىن بەرقاليەۆ - وتستاۆكاداعى گەنەرال- مايور
«كەز- كەلگەن ەلدىڭ اسكەري سالادا ارەكەت ەتەتىن باعدارلاماسى، ياعني اسكەري دوكتريناسى بولادى. وندا اسكەري قارسىلاستار دا كورسەتىلەدى. قازاقستاندىق دوكترينادا ەشبىر قارسىلاس كورسەتىلمەگەن. تەك قاۋىپ تەرروريستىك جانە ەكسترەميستىك ۇيىمداردان تۋۋى مۇمكىن. »
بولات سۇلتانوۆ - ستراتەگيالىق زەرتتەۋلەر ينستيتۋتىنىڭ ديرەكتورى
«ءدال قازىر قازاقستانعا تاپ بەرەتىن ەشبىر ەل جوق. الايدا، الەم ءسات سايىن قۇبىلادى، بارىنە دايىن بولعان دۇرىس. مىسالى، اۋعانستاندا ءوزارا توپتىق قارسىلاستار ازاماتتىق سوعىس اشىپ، ورتالىق ازياعا ەنىپ كەتۋى مۇمكىن. بۇلاي بولۋى ارينە مۇمكىن ەمەس، الايدا ونداي قاۋىپ بار. سوندىقتان، وڭتۇستىك باعىتتا باقىلاۋدى كۇشەيتكەن ءجون. «باتكەن» داعدارىسىن ەسكە تۇسىرەيىك، اۋعانستاننان شىققان اسكەري توپ تاجىكستاننان ءوتىپ، قىرعىزستانعا جەتىپ، باتكەنگە تاياپ قالعان ەدى عوي. ال، ول جەر وزبەك شەكاراسىنا جاقىن جەر، ياعني بىزدەن دە الىس ەمەس. »
سانات كوشكىنبايەۆ - ساياساتكەر
« قاۋىپ انا جاقتان كەلەدى دەپ بولجاپ ايتا بەرۋگە بولاتىن شىعار، ءبىراق تىكەلەي بىزگە ءتونىپ تۇرعان قاۋىپ جوق. »
ult.kz
